رأي

📌 دبابيس من صحف الثلاثاء 13 ابريل 2021م


ه
ه
ه
مبارك عليكم الشهر:
👈 نبارك لكم حلول شهر رمضان شهر الرحمة والغفران سائلين الله الا ينصرف عنا الا وقد انصرفت مننا كل بلوى وداء وانقشعت كل الهموم والاوجاع ووانتصرنا على كل دسيسة وخداع وعم الخير ديارنا وعلا بين الأمم شأننا انه سميع مجيب ……
📌 أقبض حرامي……
ه
ه
📌
سؤال:
👈 الى / خالد عمر (سلك) وزير شؤون مجلس الوزراء :- الزول البقطع الكهرباء قال لك لقيتني كيف بالله ؟….
ه
ه
أليس فيكم رجل رشيد:
👈 ما سمعنا أي واحد من أعضاء مجلس السيادة (التانيين) سجل اعتراض أو حتى علق تعليق عابر على قول البرهان : (لا نريد لحلايب انت تكون شوكة حوت) ، ما عارف هل كلهم متفقين على ان حلايب أقاشي ساكت ، والا وظيفتهم كورس بس يردد وراء الفنان أقصد البرهان……
ه
ه
مني مناوي بالالماني:
👈 الخرطوم: سودان برس……غادر البلاد على نحو مفاجئٍ، عضو مجلس الشركاء الفترة الانتقالية، رئيس حركة جيش تحرير السودان مني أركو مناوي إلى جمهورية مصر العربية ومن ثم إلى ألمانيا.
وأوردت مواقع إلكترونية إخبارية أن مناوي غادر البلاد مغاضباً بسبب البطء في تنفيذ اتفاقية جوبا.
وقال مناوي لـ(الصيحة)، إن زيارته إلى ألمانيا أسرية وتستغرق أسبوعين وليس كما روّج لها بأنّني خرجت مغاضباً……
📌 بت الكلب يا الشعيرية ، بالله الزمن دا كله نحن فاكرين مناوي من اسرة دارفورية طلع من اسرة ألمانية ، بالله تحياتنا لي بروسيادورتمون وموتشنجلادباخ…….ياخخخخخخ……
ه
ه
📰 الوطن:
👈 مجمع الفقه يعلن اليوم الثلاثاء أول أيام رمضان
📌 اعاده الله على السودان والسودانيين بصلاح الحال وتحسن الأحوال وراحة البال واختفاء الازمات والاهوال ونسأل الله ببركة هذا الشهر الفضيل أن يجعل كيد كل المتربصي والشامتين والمتنيلين بستسن نيلة في نحورهم وعيونهم
ه
📰 الوطن:
👈 ترتيبات لزيارة وفد أمني سوداني لإسرائيل
📌 والله اذا عندهم كهرباء حبابهم ألف ، نحن الأيام دي عندنا جن اسمه الكهرباء
ه
📰 الوطن:
👈 أمريكا تتدخل لحل أزمة سد النهضة
📌 سد النهضة لو عاوزين مشكلتو تنحل وصلوا لنا منو كهرباء من هسع ، هتى لو ما نشفت هي لينه حولوها لينا وتعالوا اتفرجوا في التاييد
ه
📰 الوطن:
👈 مقتل شاب في صفوف الخبز
📌 شهيد ان شاءالله
ه
📰 النيل الدولية :
👈 البرهان يؤكد لوفد القبائل العربية بغرب دارفور ترسيخ السلم الاجتماعي
📌 اصلو طالما في تقسيم قبايل عربية وقبايل غير عربية مافي سلام
ه
📰 النيل الدولية :
👈 حمدوك يهنئ الشعب السوداني بحلول شهر رمضان المعظم
📌 شكرا لكن الفيك اتعرفت
ه
📰 النيل الدولية :
👈 ياسر عرمان :لا نزال في حاجة للمتاريس
📌 والله في حوجة شديدة جدا
ه
📰 النيل الدولية :
👈 اثيوبيا تتسلم 61 من أسراها لدى الجيش السوداني
📌 سااااكت كدا ياخواننا والا في مقابل؟
ه
📰 النيل الدولية :
👈 استمرار استهداف المعسكرات ومقتل نازح بمعسكر كلما في نيالا
📌 دي حركات عشان الموضوع ما ينوم كالعادة
ه
📰 النيل الدولية :
👈 أديس تنتقد الخرطوم والقاهرة وتقول إنها قدمت كل ما يمكن لتسوية الخلافات
📌 حاسين بيكم والله
ه
📰 الصيحة:
👈 حمدوك يعد بدراسة مطلب إقالة والي شمال كردفان
📌 كتو تعال يوم تلاتاء
ه
📰 الصيحة:
👈 قرارات حاسمة لتعزيز الأمن بالجنينة
📌 نشيف
ه
📰 الصيحة:
👈 لجنة وزارية تقر بمعوقات تواجه توفير القمح والدقيق
📌 القر ال ينفخكم ، سمعتوا بالقر؟ انتو جايين تُقِرّوا والا تشوفوا حل ؟
ه
📰 الصيحة:
👈 غرفة التوكيلات توقف إدخال البواخر لموانيء بورتسودان
📌 أي زول عنده بضاعة بعد كدا يعوم يمشمي يستلمها قبل الميناء
ه
📰 الصيحة:
👈 إثيوبيا : عالجنا مخاوف السودان الفنية بشأن سد النهضة
📌 عداكم العيب
ه
📰 الصيحة:
👈 إضراب شامل للممرضين بالنيل الأزرق
📌 الدكاترة مكبرينها منهم والا شنوا ؟
ه
📰 الصيحة:
👈 العطا: ما يجري من أحداث وتفلتات هدفه عرقلة الفترة الإنتقالية
📌 قول والله
ه
📰 الحراك السياسي:
👈 الثورية للحراك: بدء تفويج 3 آلاف جندي لحماية المدنيين بدارفور
📌 دا الكلام الصاح
ه
📰 الحراك السياسي:
👈 انتشار كورونا بالقضارف يجبر السلطات لإغلاق المدارس
📌 يا لطيف
ه
📰 الحراك السياسي:
👈 اتحاد المصارف للحراك:جهات مصرفية تتعامل بأساليب إجرامية وتتهرب من الرقابة
📌 ياحبيي الكوزنة في ناس عندهم مختلطة بالدم ، زي ديل الا غسيل دم
ه
📰 الحراك السياسي:
👈 البرهان يتدخل لإنهاء التوتر بمدينة الجنينة وطرفا الصراع يؤكدان الالتزام بقرارات الدولة
📌 عادي جدا ومن زمان شغالين كدي ، اليوم (يؤكدان) وباكر (يلحسان) التأكيد
ه
📰 الحراك السياسي:
👈 وزير الري: المقترح الأثيوبي مريب ومواصلة لفرض الأمر الواقع
📌 والله المريب الله عالم فيهو
ه
📰 الحراك السياسي:
👈 المباحث تنشط في توقيف اجنبيان ينشطان في تزييف العملة
📌 ياخ ديل من زمن تزوير العملة؟ النظام هسع اتغيير بقى في تزييف رتب عسكرية عدييييل
ه
📰 المواكب:
👈 عودة الحرائق لمخيمات النازحين في دارفور
📌 اول راحت وين؟
ه
📰 المواكب:
👈 العطا: لن نسمح بتدمير وحدة البلاد السياسية والأمنية
📌 لكن ممكن تسمحوا بانها تكون اقاشي وأم فتفت للآخرين صاح؟؟
ه
📰 السوداني:
👈 البرهان على رأس وفد عسكري رفيع يصل الجنينة
📌 ما جاب معاهو قيقم عشان يغني له دخلوها وصقيرها حام ؟
ه
📰 السوداني:
👈 اليوم أول رمضان و(300) جنيه فدية اليوم الواحد لأصحاب الأعذار
📌 يعني بالعربي كدا أصحاب الاعذار يا يصوموا يا يغتربوا ويهاجروا كندا واستراليا….
ه
📰 السوداني:
👈 مشروع للربط الحديدي بين حلفا وأسوان
📌 شايف شغل (الجلا جلا) شغال على وِدنو
ه
📰 السوداني:
👈 الامارات تطلق مشروع (إفطار الصائم) في السودان
📌 الامارات شغالة تدي النقارة عصاية وتدي الحلة وصاية
ه
📰 السوداني:
👈 حمدوك : العلاقة مع مصر تقوم على أساس المصالح المشتركة
📌 للأاااا ،،،، اصل انت موش واخد بال سعادتك ، دي قايمة على أساس المصالح المصرية وليس المشتركة ، مشتركة دا ايه يا عومر …..
ه
ه
📌ابووضاح 📌
https://www.facebook.com/dababies

زر الذهاب إلى الأعلى