📌 دبابيس من صحف الأربعاء 24 مارس 2021م

ه
ه
⚠ عرض مغري:
👈 لمن يبحث عن (الحصانة) في حالة العدم يوجد لدينا وبسعر مغر أتان (حمارة) أصيلة ويرجع اصلها الى حمارة الأصبهاني تلك التي تيمت حمار بشار بن برد حتى قال فيها (الحمار):
سيدي مل بعناني نحو باب الاصبهاني
ان بالباب اتانا افضلت كل اتان
تيمتني يوم رحنا بثناياها الحسان
و بغنج ودلال سل جسمي و براني
ولها خد اسيل مثل خد الشيفران …..
ه
ه
⚠ عصابات تنهب وجبات تلاميذ المدارس بأمبدة:
👈 الراكوبة: في حادثة وصفت بالغريبة، هجمت عصابات تمتطي دراجات نارية بالسواطير والسكاكين ونهبت الوجبات المدرسية التي توزع مجاناً للتلاميذ بعدد من المدارس بمحلية أمبدة بدعم من برنامج الغذاء العالمي، ومن بينها مدرستي ابن الهيثم للبنين ومدرسة حي المدينة، ومدرسة حي المدينة للبنات في منطقة الفطيماب التي تقع في الشمال الغربي للمحلية ومدرسة البشير بنين بحي البقعة ، وكذلك مدارس دار السلام غربي أم درمان، وتم فتح بلاغات بحوادث النهب والسرقة، حيث دون في قسم شرطة أم بدة شمال بلاغاً بالرقم ٣١١ تحت المادة ٤٤ إجراءات.
وقامت تلك العصابات بخطف الوجبات من أيادي التلاميذ بعد خروجهم من المدارس.
وأفاد المشرف على توزيع الوجبة المدرسية في حديث لـ”الجريدة” بأنهم بعد الساعة الـ ١٢ ظهراً، وبعد توزيع الوجبات على التلاميذ، هجم المئات على المدرستين ونهبوا ٤٣٩ كرتونة، تحتوي على ثلاثة وأربعين ألف وتسعمائة وجبة مدرسية……….
📌 ماهو يا ترضوا بالحالة دي يا تمنحوا الشرطة حمارات أقصد حصانات……..
ه
ه
⚠ شرطة الخرطوم تحتجز 6ألف موتر:
👈 قال مدير شرطة ولاية الخرطوم الفريق عيسى آدم، إن الدراجات النارية (المواتر) أصبحت تمثل مهددًا أمنيًا بالعاصمة، متعهدًا بفرض ضوابط صارمة في مواجهتها، كاشفًا في الوقت ذاته عن حجز وقبض ستة آلاف دراجة لا تحمل لوحات.
وكشف مدير الشرطة بالولاية، عن اتجاه لتعديل القانون ليشمل المصادرة المباشرة للدراجات التي ليست لديها أوراق، نافيًا في الوقت ذاته الإتجاه لمنعها بالكامل في الخرطوم، وأضاف: “لا نستطيع منعها بالكامل، لأن هناك شركات لديها عقود امتياز استيراد دراجات نارية، ولكننا نستطيع أن نقلل منها بفرض الضوابط الصارمة”.
📌 والله دي خطوة ممتازة جدا لكن مابتجيب حصانة نديكم عليها مهرة عمر شهرين والا تلاتة ربوها عندكم لامن تكبر
ه
ه
📰 الوطن:
👈 رئيس الوزراء الإثيوبي : لا نريد الحرب مع السودان
📌 والله ولا نحن يا أبي أحمد لكن نقول شنو؟ السيكوسيكو والفنكوش خاتين الحبشتكانة في الجركانة وعاملين السنجة في الرنجة
ه
📰 الوطن:
👈 إغلاق “42” معبراً حدودياً مع دول الجوار
📌 قال الشاعر 42 بنت اللبيب عبدالله لا حامت فريق لا جالست خلق الله
ه
📰 الوطن:
👈 وزير الصحة: نجري تقييم لاستمرار المدارس والجامعات مع تزايد “كورونا”
📌 تجري جري الوحوش غير رزقك لن تحوش
ه
📰 النيل الدولية :
👈 قوات قوى التحالف السوداني والحركة الشعبية شمال تصلان إلى الفاشر
📌 كن لاقاكو أب جنقور في فاشر ياهو ما عندو رأي أمشوا ساااي بس

ه
📰 النيل الدولية :
👈 ملاسنات بين الاتهام والدفاع خلال جلسة محاكمة مدبري انقلاب الانقاذ
📌 شغالين بالمثل أم لسان ست جاراتها
ه
📰 النيل الدولية :
👈 ولايات تطعن في ترشيحات(الحرية والتغيير للمجلس التشريعي)…
📌 على قول الفنان ﻃﻪ ﺳﻠﻴﻤﺎﻥ : ﻃﺎﻋﻨﻲ ﺩﺍﻳﻤﺂ ﺑﻲ ﻭﺭﺍ ﻗﺎﺻﺪ ﻣﺤﺒﺘﻨﻲ ﺗﺨﺴﺮﺍ
ه
📰 النيل الدولية :
👈 مجلس الوزراء يناقش مبادرات الوساطة بشأن الموقف مع إثيوبيا
📌 ناقشني حاول حس بي ناقشني وارمي اللوم علي
ه
📰 المواكب:
👈 دقلو يمسك بملف تنفيذ الترتيبات الأمنية بدارفور
📌 يلا بعد كدا (أيا) زول عنده مجمجة تراها ديك النقعة
ه
📰 المواكب:
👈 السودان يوافق علي وساطة إماراتية لحل الخلاف مع إثيوبيا بشأن الحدود وسد النهضة
📌 وهل يعصى للدراهم أمر ؟
ه
📰 المواكب:
👈 والي الخرطوم يصدر قرارا بإعفاء مدير عام هيئة الطرق والجسور وتعيين آخر
📌 قال له: ليه طريقك دائما فارشو ورد وطريقي دايما فارشو شوك
ه
📰 الانتباهة:
👈 تعطل مصفاة الجيلي
📌 الا تقولوا وااااي
ه
📰 الانتباهة:
👈 سيدة أعمال افريقية تصل الخرطوم لتصوير افلام إباحية
📌 كاتبه في طلب الفيزا كدا يعني والا عامله اعلان عاوزه هنايين ؟ والا عرفتوها كيف
ه
📰 الانتباهة:
👈 نقل 133 وكيل نيابة
📌 غايته انصحكم لو ما كل واحد استلم حصانة فور ويل من بيته ما يتحرك
ه
📰 الانتباهة:
👈 قوي حماية الثورة: القوي السياسية إما متامرة مع المكون العسكري او خائفة منه
📌 فشرررر القوى السياسية لا متآمرة ولا خايفة القوى السياسية غايبة
ه
📰 الانتباهة:
👈 بدء جلسات محاكمة المتهمين ببيع خط هيثرو
📌 أقول أنساك وعارف اني ما بقدر..مابقدر ، مهما قساك عليا يطول..يزيد شوقي لهواك أكتر
ه
📰 الانتباهة:
👈 مركزي التغيير: إتجاه عام لتغيير المكون المدني والولاة
📌 والا اسيبها مدني واجي اسكن حداك…. قول لي يا حبيبي ، انا حيران معاك
ه
📰 الانتباهة:
👈 تحفظات حول نسب التمثيل باللائحة الجديدة للمجلس المركزي للتغيير
📌 تحفظات بامبرز والا سويت بيبي ؟
ه
📰 الحراك السياسي:
👈 والي غرب دارفور للحراك:مهاجمو مسجد اسرني في قبضة السلطات
📌 عادي ، باكر يجوا تلاتة مسلحين يقلعوهم من قبضة السلطات ويشيلوا معاهم دوشكا تحلية
ه
📰 الحراك السياسي:
👈 مفرح: الحكومة لاتملك قاعدة بيانات بالاوقاف
📌 الله يهديك يا مفرح بيانات شنو ، هو نحن شهادات ميلاد ما عندنا
ه
📰 الحراك السياسي:
👈 تزايد الإصابة بكورونا ومساع لإيصال اللقاح للولايات
📌 انتو اوعكم تكونوا فاكرين اللقاح دا علاج؟ تبقى مصيبة
ه
📰 الحراك السياسي:
👈 تدني نسبة الزواج في العام 2020م الي 21/ مقارنة بالعام 2018م
📌 تطير عيشتنا يعني أي حاجة بقت كيري حتى الزواج
ه
📰 الحراك السياسي:
👈 إحالة بلاغ الجبهة الثالثة تماذج للمحكمة
📌 ونحن في بداية طريقنا كيف تقول لي مستحيل
ه
📰 الحراك السياسي:
👈 103 بلاغات اتجار بالبشر خلال عام 60% منها في الخرطوم
📌 يا إخواننا دا ما اتجار بالبشر دي كلها محاولات مخارجة ، الناس متخارجين تجارة شنو
ه
📰 الحراك السياسي:
👈 محاكمة مدبري الانقلاب ترفض طلبات الدفاع الثلاثة
📌 خلاص زي ما قال (الانطون) لي ناس فريق الرابطة: ركزوا على الاجنحة واللعب مان تو مان وعليكم بضرب الزوي
ه
📰 الصيحة:
👈 اجتماع برئاسة حمدوك لحل مشاكل الزراعة والمياه بالقضارف
📌 الاجتماع بالقضارف والا في الخرطوم؟
ه
📰 الصيحة:
👈 قرار سيادي بتكوين لجنة تحقيق حول أسرى قوي الكفاح المسلح
📌 حم حم يا حمام ، انزل تعال يا حمام شتت ليك سكر ، لمن تبيض يا حمام انا دمعى بتقطر
حم حم يا حمام
ه
📰 الصيحة:
👈 حكومة الخرطوم توافق علي إلغاء الازدواج الضريبي للرسوم الولائية
📌 ان شاءالله ناس نقاط الجبايات ينفذوا القرار دا ، لكن ما أظن
ه
📰 أخبار اليوم :
👈 وزارة الطاقة تكشف أسباب تعطل مصفاة الخرطوم.
📌 أكيد السبب حظنا ، المتعوس متعوس
ه
📰 أخبار اليوم :
👈 اجتماع للجنة الطوارئ الصحية اليوم وصحة الخرطوم تعلن إرتفاع الاصابات بالملاريا وشلل الأطفال.
📌 من شدة الفترة الانتفالية دي ماراجعة حركة وراء باقي لينا الجدري والجذام ونرجع العصور الوسطى
ه
📰 أخبار اليوم :
👈 علي الحاج يطالب بانعقاد المؤتمر العام للشعبي واختيار خليفة له والحزب يتمسك بقيادته.
📌 يعني مافي طريقة او بالالماني اووف كاينن فال (auf keinen Fall)
ه
📰 السوداني:
👈 (350 ) محاولة انتحار بالصبغة العام الماضي، والذكور أكثر من الإناث
📌 ذكر ينتحر بالصبغة دا شنو كمان ؟ حامل؟
ه
📰 السوداني:
👈 عضو مجلس السيادة الطاهر حجر لـ (السوداني ) : الشيوعي ضد اتفاق جوبا السلام
📌 الشيوعي سيبك منه شوف الناس العندهم سلاح
ه
📰 السوداني:
👈 مالك السفنية المحتجزة بمصر : خسرت 40 ألف دولار
📌 احتسب
ه
📰 السوداني:
👈 إضراب التقنيين بمركز لغسيل الكلى والمرضى يحتجون
📌 زمان كان اثناء الاضراب في ناس متطوعين هسع انا لله الإنسانية اتعدمت
ه
ه
📌ابووضاح 📌
https://www.facebook.com/dababies