دبابيس من صحف الثلاثاء 29 يونيو 2021م

ه
ه
⚠ *سوعال* :
👈 مسعولين من الخير…. وزير المالية حصل القروش بتاعة لجنة التمكين والا لسع ما عرف مكانها زين؟؟؟….
ه
ه
⚠ *قائم مقام عموم دارفور في فتيل* :
👈 اصدرت الهيئة العليا للحكم الذاتي لولاية جنوب دارفور بيانا اعلنت فيه رفضها القرار الصادر بشأن تعيين منى اركو مناوى حاكما عاما لاقليم دارفور وطالب رئيس الهيئة د. صديق احمد الغالى فى بيانه المواطنون المتضررون من القرار بإكمال إجراءاتهم القانونية ضدة وعدم الاعتراف بالإقليم الا بعد استفتاء المواطنين…..
📌 عمل زي اللاعب الجديد قعد يجري حول الميدان لحدي ما اكتشفوا انه أعرج ورفضوا يلعبوهو …..
ه
ه
⚠ *هل يفعلها أولاد حسني مبارك؟*:
👈 حملت الوسائط خبرا مفاده أن ابناء الرئيس المصري الراحل حسني مبارك يوكلون محامين لمقاضاة
كل من علي عثمان ونافع علي نافع ومطرف و قوش الموجود بالقاهرة بتهمة الشروع في قتل والدهم…..
📌 السودان كله مستعد يشهد معاكم….
ه
ه
⚠ *وعند جهينة الخبر اليقين* :
👈 صحيفة جهينة تؤكد تزوير بعض الأخبار المنسوبة إلى صفحة قناة الجزيرة – السودان…. تناقلت بعض وسائل التواصل الاجتماعي اليوم بعض الأخبار المنسوبة إلى صفحة قناة الجزيرة – السودان، حيث يزعم خبر يعلن على لسان والي الخرطوم إغلاق الكباري إغلاقاً كاملاَ يومي 29 و 30 يونيو ويشمل الإغلاق المعابر إلى الولايات دخولاً وخروجاً..
بينما يزعم خبر ثاني أن سبب تمرد بعض قوات الشرطة ظهر اليوم هو شراء قطعة أرض لوزير الداخلية بأحد الأحياء الراقية بالخرطوم بواسطة لجنة تفكيك نظام الثلاثين من يونيو واسترداد الأموال العامة.
تؤكد صحيفة “جهينة” أن هذين الخبرين عاريان من الصحة جملة وتفصيلاً، وأنهما لم يردا في صفحة قناة الجزيرة بالسودان، وأن الصورتين المتداولتين تم تزويرهما باستغلال شعار الجزيرة……..
📌 خلي الزواحف يشتغلوا ، يعني معقول نوقف عليهم الشفط واللهط ولجنة التفكيك شغاله فيهم صامولة صامولة وكمان نمنعهم اصدار الاشاعات؟ حرام والله….
ه
ه
📰 الوطن:
👈 إعادة إمتحان لطلاب الشهادة السودانية بسبب كشف أوراقه
📌 هسع يجيك كوز يقول اشمعنى ما اتكشف امتحان تاني غير الدين
ه
📰 الوطن:
👈 إحباط تهريب عملات أجنبية عبر بدر للطيران
📌 وييييين ياااا ، اتهربت وشبعت تهريب
ه
📰 الوطن:
👈 هتافات غاضبة من منسوبي الشرطة ووزير الداخلية يتعهد بتحسين الأوضاع
📌 عشنا وشوفنا الشرطة تتظاهر وتهتف وتضرب
ه
📰 الوطن:
👈 إزالة التمكين تلقي القبض على عشرات المضاربين في العملات
📌 زي ديل صواميلهم فرتيكها سااااهل
ه
📰 الحداثة:
👈 لجنة المفقودين: هيئة الطبّ العدلي أعاقت التعرّف على الجثث المجهولة
📌 دا طب عدلي والا عدلي منصور
ه
📰 الحداثة:
👈 إعادة امتحان مادة الدراسات الإسلامية
📌 يكون القراي هو السبب
ه
📰 الحداثة:
👈 نقل العلاقات بين الخرطوم وواشنطن إلى وضع العلاقات الثنائية الطبيعية
📌 ان شاءالله بالرفاء والبنين تردمنا مال ونردمها عيال لامن تقول واي
ه
📰 التيّار:
👈 وجدي صالح لـ”التيّار”: لجنة التفكيك مع حلّ كلّ قضايا الشرطة
📌 ونحن معاك يا معلم في أي حاجة مادمت شايل مفكاتك
ه
📰 الحراك السياسي:
👈 مدير الإحصاء لـ”الحراك السياسي”: اتّجاه لربط جميع بيانات المواطن الأساسية بـ”الهويّة”
📌 دا المفروض يحصل من زمان
ه
📰 الحراك السياسي:
👈 الحكومة تحسم جدل”التسليم” و”الجنائية” تشرع في إجراءات ترحيل”المخلوع” إلى لاهاي
📌 سفر الدخان بالطاقة وقطر عجيب يودي ما يجيب
ه
📰 الحراك السياسي:
👈 محللون يصفون قرار الحكم الذاتي بـ”غير الشرعي”
📌 ود حرام يعني؟
ه
📰 الحراك السياسي:
👈 الطرق والجسور: بعض القرى يجب ترحيب ساكنيها ونناشد المواطن بالتعامل الحضاري
📌 هي الخرطوم ام القرى ذاتها مفروض يترحل منها أي زول سكنها بعد 1989
ه
📰 الحراك السياسي:
👈 حجر: سلام جوبا أحدث اختراقًا في قضايا البلاد
📌 ودي حاجة كويسة والا وحشة يا حجر؟
ه
📰 النيل الدولية:
👈 أمانة مجلس السيادة تنفى ما تداول حول تأييد الكباشي لاحتجاجات الشرطة
📌 الا يحلف
ه
📰 النيل الدولية:
👈 تسمية سيدة لمنصب السفيرة الأمريكية لدى الخرطوم
📌 أمريكا تستاهل نرسل لها سيدة وجمالها فريد
ه
📰 أخبار اليوم:
👈 اجراءات وضوابط جديدة للسفر الي السعودية.
📌 ياريت النفيذ يكون اضبط من الضوابط
ه
📰 أخبار اليوم:
👈 وزير الداخلية والمدير العام يخاطبان منسوبي قوات الشرطة بساحة الحرية.
📌 وبعدين حصل شنو؟
ه
📰 أخبار اليوم:
👈 د. جبريل يشارك في اجتماع وزراء الاقتصاد لدول القرن الافريقي بجيبوتي.
📌 عليك الله سلم لنا على مستشفى البشير في جيبوتي
ه
📰 أخبار اليوم:
👈 عاصم البلال الطيب يكتب: بالتسامح والسلام قبل مواكب 30 يونيو.
📌 ياخي موكب 30 يونيو دا في ناس قالوا متأكدين من الجيش يستلم فيه السلطة
ه
📰 السوداني:
👈 صندوق النقد والبنك الدوليين يتفقان على أن السودان قد وصل إلى نقطة القرار في مبادرة (هيبك) لتلقي الإعفاء من الديون
📌 اول مرة في التاريخ السودان يصل الى نقطة غير حرجة والا فيها منعطف خطير
ه
📰 السوداني:
👈 احتجاجات من قوات شرطية أمام وزير الداخلية.. والوزير يرد: (مافي وطن بينكسر لأفراد، ومافي مهنة زي دي)…
📌 زماااااان قلنا لكم غربلوا الشرطة
ه
📰 السوداني:
👈 انطلاق الحملة القومية لمراقبة الأسواق وضبط الأسعار
📌 الأسعار دي كدي اربطوها في الأول وخلوها تقيف عشان تقدروا تراقبوها
ه
📰 السوداني:
👈 معلمو الجزيرة يعلنون الإضراب عن تصحيح امتحانات الأساس
📌 هم المعلمين ديل شغالين بالقطاعي والا شنو
ه
📰 السوداني:
👈 مناوي يصل السعودية للبحث عن مشاريع تنموية لإقليم دارفور
📌 يازول تعال راجع الحق جماعتك قالوا ما عاوزنك
ه
📰 السوداني:
👈 مدير مشروع الجزيرة يؤكد انسياب توزيع السماد والمبيدات
📌 خشمك فيه اللبن
ه
📰 السوداني:
👈 (الشيوعي): قرارات الحكومة الأخيرة أتت في الوقت بدل الضائع
📌 مافيش مشكلة طالما اللعب مستمر
ه
📰 السوداني:
👈 تصدير أكثر من (79) ألف رأس من الماشية للسعودية
📌 معناتها ننتظر ارجاع 80 ألف
ه
ه
📌ابووضاح 📌
https://www.facebook.com/dababies