📌 دبابيس من صحف الخميس 27 مايو 2021م

ه
ه
*عزاء واجب*
بكل الأسى والحزن تتقدم 📌 الدبابيس 📌 بخالص العزاء وصادق المواساة للأخت الاستاذة / تراجي مصطفى في وفاة زوجها المرحوم محمد حامد عليان الذي تم اغتياله غدرا نهار أمس بمنطقة تلس جنوب دارفور والعزاء موصول لكل آل ورفاق وأصدقاء المرحوم والى عموم آل عليان وانا لله وانا اليه راجعون…..
ه
ه
⚠ *سؤال*:
👈 انتو أزمة مياه الشرب انتهت والا الناس اتعودوا عليها والا الصنة دي شنو؟….
ه
ه
⚠ *أخبار كورونا*
👈 أعلنت منظّمة الصحّة العالمية، الأربعاء، في تقرير أن السلالة المتحوّرة لفيروس كورونا التي اكتُشِفت في الهند قد رُصِدت رسميّاً في 53 منطقة. كما تلقّت المنظّمة معلومات من مصادر غير رسميّة تُفيد بأنّ المتحوّر “بي617.1” رُصِد في 7 مناطق أخرى، ليصل بذلك العدد الإجماليّ إلى 60. وأكدت منظمة الصحة العالمية، الخميس الماضي، أن اللقاحات المتاحة والمعتمدة حاليا فعالة ضد “كل متحورات فيروس كورونا، لكنها دعت في الوقت نفسه إلى مواصلة التحرك “بحذر” في مواجهة كوفيد-19 في وقت تخفف دول عدة إجراءات الحجر التي فرضتها للحد من الجائحة……..
ه
ه
⚠ *الحلو: نراقب تدهور وضع حقوق الإنسان دون تقديم الجناة للعدالة*:
👈 قال رئيس الحركة الشعبية لتحرير السودان شمال عبد العزيز الحلو، إن الحركة الشعبية تراقب بقلق شديد، تدهور وضع حقوق الإنسان دون تقديم الجناة للعدالة، مبيناً أنها من أهم تحديات السلام والاستقرار….
📌 خلاص فكوك من ماسورة العلمانية عاوز تمسك في ماسورة حقوق الانسان؟
ه
ه
⚠ *حمدوك يلتقي عبدالواحد نور*:
👈 الخرطوم: سودان لايت…… اتفق رئيس الوزراء د.عبدالله حمدوك مع رئيس حركة تحرير السودان القائد عبدالواحد محمد نور، على مواصلة الحوار بين الجانبين لتحقيق السلام.
وإلتقى حمدوك مساء أمس بمقر اقامته بفندق (بيرا ميدز) بجوبا عاصمة دولة جنوب السودان عبدالواحد محمد نور بحضور وزير شؤون الرئاسة بدولة جنوب السودان د.برنابا بنجامين .
ويأتي اللقاء مواصلة للقاءات السابقة بين رئيس الوزراء د. عبد الله والقائد عبدالواحد محمد نور رئيس حركة جيش تحرير السودان.
وناقش الاجتماع رؤية حركة تحرير السودان حول الحوار…..
📌 حمدوك شغال زي الزول ال بي يعمر في راس المكنة يصنفر فيهم بلف بلف ……
ه
ه
📰 الوطن:
👈 البرهان :مصممون على إنجاز سلام السودان
📌 الله يكفينا شر الحرب ال عاوزة تفتحها لينا مصر
ه
📰 الوطن:
👈 حمدوك السلام أولوية ويجب أن يتحقق
📌 معانا ومع جيراننا ، ما تسدوها من هنا وتقدوها من هناك
ه
📰 الوطن:
👈 المحكمة العليا تسحب ملف قضية المدينة الرياضية
📌 يعني شنو تسحب ؟
ه
📰 الوطن:
👈 الطاقة :قطوعات الكهرباء ستنتهي في أغسطس القادم
📌 اشمعني ؟ أغسطس فيه محطة بي تطلع من حق الله يعني والا مطلقة بي تتم عدتها في أغسطس
ه
📰 الوطن:
👈 توقف عدد من مصانع الزيوت بالخرطوم
📌 هو الزيت يقلوا بيهو شنو؟ خليها تقيف
ه
📰 النيل الدولية:
👈 الجيش ينفي حدوث اشتباكات عسكرية على الحدود مع اثيوبا
📌 نتمنى ان لا تكون هنالك اشتباكات
ه
📰 النيل الدولية:
👈 الوساطة: اكتمال الترتيبات لبدء التفاوض بين الحكومة والحركة الشعبية
📌 دفعوا قولة خير ؟
ه
📰 النيل الدولية:
👈 الجنائية تختتم جلسة اعتماد 31 تُهمة ضد كوشيب
📌 يعني حارق حارق شوفوا اللي بعده
ه
📰 النيل الدولية:
👈 النيابة: لجنة تحقيق اختفاء الاشخاص تحقق في الجثامين مجهولة الهوية بالمشارح
📌 غايتو انا اصلاً مجهولة الهوية دي ما واقعة لي
ه
📰 النيل الدولية:
👈 النيابة العامة: الناشط (ود عكر) اغتيل تحت التعذيب
📌 اول في زول قال لكم مات في الوضوع؟
ه
📰 الصيحة:
👈 الصيحة تتحصل علي تفاصيل جديدة في بلاغ اوكتاي
📌 أمممك عاوزين تدخلوا الحبر في فتيل والا شنو؟
ه
📰 الصيحة:
👈 حميدتي/ اتفاق مع الحرية والتغيير لمحاربة الفساد ومعالجة الأوضاع الاقتصادية
📌 أول الكان رافض محاربة الفساد منو فيكم بالضبط؟ عشان نعرف بس
ه
📰 الصيحة:
👈 البرهان يؤكد حرص الحكومة علي تحقيق السلام مع حركة الحلو
📌 بي ضبانتو أقصد بي علمانيتو؟
ه
📰 الصيحة:
👈 وزير الثروة الحيوانية يتعهد بحسم التحديات التي تواجه تصدير الماشية للأردن
📌 والله تصدير الماشية دا أصلا ما صاح لا للاردن ولااااا ان شاءالله لعطبرة
ه
📰 الصيحة:
👈 نجل رجل اعمال شهير يحجر علي والدته ويستولي علي أموالها
📌 نسأل الله السلامة
ه
📰 الحراك السياسي:
👈 محفظة السلع تتوقف عن إستيراد الوقود ووزير الطاقة يوضح الأسباب
📌 وزير الطاقة دا يموت في توضيح الأسباب ، يتخيل لي لو ما لقى حاجة يوضح أسبابها ممكن يصدع
ه
📰 الحراك السياسي:
👈 حمدوك يتسلم قائمة مرشحي وزارة التربية والحراك تكشف ترشيحات ولاة دارفور والنيل الأزرق
📌 انتو الحكومات دي يا تركز على الخرطوم بس يا تركز على دارفور بس؟ الولايات التانية دي خارية في الجامع ؟
ه
📰 الحراك السياسي:
👈 الشيوعي للحراك/ حديث المخلوع وأعوانه خلال جلسة محاكمتهم الأخيرة فرفرة مذبوح
📌 طيب ما يفرفروا فيها شنو ، تراكم انتو تفرفروا من زمن هاشم العطا الله يرحمه
ه
📰 الحراك السياسي:
👈 الرسوم والضرائب وكورونا تتسبب فى إغلاق 3 الآف وكالة سفر
📌 ربنا يكون في عونهم ، رغم انه كتير من الوكالات دي ما كانت شغالة بما يرضي الله
ه
📰 الحراك السياسي:
👈 جولة تفاوض جديدة مع الحلو وسط تخوفات من عقدة العلمانية
📌 العقدة دي اتفكت زمان التخوفات ما يظهر لهم بي عقدة جديدة
ه
📰 الحراك السياسي:
👈 سلفاكير يطالب السودان والحلو بالجنوح للسلام لا للحرب
📌 أريتهم يسمعوا كلامك
ه
📰 الحراك السياسي:
👈 القبض على 8 متهمين في احداث بورتسودان وحزمة قرارات أمنية
📌 حزمة ما تنفع نحن عاوزين جزمة على دماغ أي زول ما يحترم القانون
ه
📰 المواكب:
👈 تعهدات لأطراف التفاوض بتقديم تنازلات
📌 هو نحن فضل لنا شي ما اتنازلنا عنه ؟ الله يستر على وليداتنا بس
ه
📰 المواكب:
👈 خالد عمر/ هيكل جديد لفريق التفاوض الحكومي
📌 هيكل سلك والا جرادل ؟
ه
📰 المواكب:
👈 مناوي يكشف عن مشروع سكة حديد يربط بورتسودان بمدينة تشادية
📌 هسع دي نعتبرها ليك شطحة والا شتحة ؟
ه
📰 المواكب:
👈 الجبهة الشعبية المتحدة ترفض منح الشرق حق تقرير المصير
📌 هي منو ذاتها الجبهة الشعبية دي؟ راسنا لف من كترة الجبهات الشعبيات ديل
ه
📰 أخبار اليوم:
👈 القيادي بحزب الامة عبدالرسول النور يكتب: الكلام المباح بين الجد والمزاح.. في السجون.. كنا في شقاوتنا ننعم!!
📌 اللهم اجعله زواج مبروك وسفرا سعيداً وكفارة ليكم وانا لله وانا اليه راجعون وكل عام وانتم بخير لقيتني كيف؟
ه
📰 السوداني:
👈 تخصيص أكثر من (16 )مليون دولار للمصارف الفائزة في مزاد النقد الأجنبي
📌 هلا هلا …. عاملين لكم هيلمانة في (16) مليون زمان المخلوع تحت مخدته ساكت في (25) مليون دا غير دولاب وداد
ه
📰 السوداني:
👈 (الشيوعي) : مؤتمر باريس (دلالة) والشارع يتململ
📌 يا إخواننا الشيوعي دا يا سكتوهو يا طلعوهو مع المهرجلين
ه
📰 السوداني:
👈 (السوداني) تكشف عودة الحوار الاستراتيجي بين الخرطوم ولندن الذي ابتدره النظام السابق
📌 بتاع البركاوي والا واحد تاني ؟
ه
📰 السوداني:
👈 وزيرة الخارجية تلتقي بالسفير التركي
📌 أوع تكون قالت له يا تعالوا استعمرونا والا تعالوا نستعمركم زي ما كنا زمان؟
ه
📰 السوداني:
👈 وزير الصناعة يؤكد العمل على تطوير صناعة السكر
📌 ممكن تستعين بالمتعافي في هذا الصدد
ه
📰 السوداني:
👈 (يونيتامس) : الحكومة والمعارضة يمكنهما الالتقاء معًا وإحداث سلام ومستقبل دائمين
📌 طيب نحن ما جبناكم مكان الماذون أعقدوا لهم طوالي
ه
📰 السوداني:
👈 الاتحاد الأوربي يؤكد نجاح برنامج جودة التعليم بالسودان
📌 وين دا ؟
ه
ه
📌ابووضاح 📌
https://www.facebook.com/dababies