📌 دبابيس من صحف الاثنين 19 ابريل 2021م

ه
ه
⚠ سؤال:
👈 لمصلحة منو بالضبط تقع عمليات التلتلة
والعطلة وسل الروح
والتعذيب بالبارد ،
ولو ما كرهتك ما أكون أنا ،
والا تقول وااااي ،
وتاني بي تجي المولد ،
التي يعامل بها صرافات الويسترن يونيون المواطنين……
ه
ه
⚠ تفاصيل تنازل البنك المركزي عن أسهمه ب(380) مليون جنيه:
👈 كشف مستندات تحصلت عليها (السوداني) عن تنازل البنك المركزي ع8ن جزء من أسهمه لصالح شركات ومنظمات وجرى توقيع عقود التنازل بين وزارة المالية وبنك السودان المركزي .
وتنازل البنك المركزي في مايو 2018، عن أكثر من 38 مليون سهم بمبالغ تصل لأكثر من 380 مليون جنيه .
وقال عقد التنازل الذي حصلت عليه (السوداني) إن الخطوة أتت في إطار إنفاذ سياسات البنك المركزي الخاصة بالتخلص من مساهماته في البنوك التجارية لتشجيع القطاع الخاص للدخول في الاستثمار في القطاع المصرفي . تفاصيل …….
📌 انا ما عارف الناس ديل زمان ما الذي منعهم أو ليه ما إتصرفوا في الشعب دا وباعوهو لأي دولة تانية……
ه
ه
⚠ ابراهيم الشيخ: الصناعات التابعة للجيش لم تعد هاجساً:
👈 قطع وزير الصناعة والتجارة ابراهيم الشيخ بأن الصناعات المدنية التابعة للجيش ماعادت تشكل هاجساً…..وقال في تصريحات صحفية محدودة عقب زيارته لمعرض المؤسسة التعاونية للسلع الاستهلاكية ببحري سنعيد ترتيب أمر الصناعات المدنية التي بيد الجيش ونحن في النهاية دولة سودانية نريد أن نعمل لصالح البلاد بروح الشراكة التي بيننا سنعيد ترتيب موضوع الصناعات التابعة للجيش وماعادت تشكل لنا هاجساً ……..
📌 إبراهيم الشيخ ذكرني شاعر (عيون المها بين الرصافة والجسر) ، التاجر اقصد الراجل مما دخل الوزارة تصريحاته بقت بردا وسلاما……
ه
ه
📰 الوطن:
👈 إثيوبيا تحدد موعد “الملء الثاني” لسد النهضة
📌 والله من قال حقي غلب
ه
📰 الوطن:
👈 السودان يطلع السفراء الأفارقة على آخر مستجدات سد النهضة.
📌 يادوب افتكرتوا السفراء الافارقة ؟
ه
📰 الوطن:
👈 تأجيل مفاجئ لجولة حمدوك على مرافق صحية ودوائية.
📌 يعني شنو كان اتأجلت ، اطلاق ماكوك فضائي هو والا افتتاح محطة ننوويه ؟
ه
📰 الوطن:
👈 قتلى وجرحى في احتكاكات بين الشرطة ومواطنين بالنيل الأبيض.
📌 الحالة دي احتكاكات ساكت ، طيب لو كانت قتال كان تكون النتيجة كم
ه
📰 الوطن:
👈 بورتسودان تنجو من كارثة.
📌 الحمدلله على السلامة والتحية لرجال الدفاع المدني
ه
📰 الوطن:
👈 النيابة تكشف معلومات جديدة في محاكمة عوض الجاز في قضية سكر مشكور.
📌 اوع تقول لي المتعافي مسك الجاز الماسورة وكتل منه ملف
ه
📰 الوطن:
👈 المحكمة تُخاطب مدير جهاز المخابرات بشأن قضية (أب جيقة) .
📌 ومدير جهاز المخابرات مطنننننننش
ه
📰 الصيحة:
👈 تحلل 190 جثة بالخرطوم والنيابة تحمل الطب العدلي المسؤولية
📌 ولو طلع الطب العدلي عاقر مابيحمل اها تحملوها منوا تاني
ه
📰 الصيحة:
👈 وزير الثروة الحيوانية للصيحة: مراجعة وشيكة للاشتراطات السعودية
📌 شغالين بي نظام تقطعوا حتى تعدوا ، تصدروا حتى تراجعوا الاشتراطات ، ايه الزكاوة دي
ه
📰 الصيحة:
👈 أبي أحمد: سد النهضة منع حدوث فيضانات شديدة في السودان
📌 يازول اشتغل شغلك ديل لا يشتغلوا لصالح شعوبهم ولا يخلوا غيرهم يشتغل لصالح شعبه
ه
📰 الصيحة:
👈 النيابة: تجاوزات ب150 مليون دولار في سكر مشكور
📌 أنا شخصيا كمواطن سوداني متنازل عن حقي وما عاوزه يدخل ضمن المحاكمات الوهمية دي
ه
📰 الصيحة:
👈 قرارات حكومية لإنهاء أزمة الدواء
📌 تسمع بقرارات حكومية تحس بالحكومة خالفة كراعة ونادت على الدواء تعال ياض ، امشي اترمي في الصيدليات
ه
📰 الصيحة:
👈 الشرطة تضبط 15 ألف قندول بنقو بعد اشتباكات بالأسلحة مع متهمين
📌 نطالب بمفوضية تسمى مفوضية البنقو يتم تسليمها البنقو المقبوض عليه وهي تتولي تصديره وتسويقه للجهات المعنيه او المسموح لها باستخدامه بدل من حرق هذه الثروة الضخمة
ه
📰 الصيحة:
👈 وزير الصناعة يقر بارتفاع الأسعار بسبب سعر الصرف
📌 ماشاء الله الوزير دا نبيه أوي …. وزير زهبج
ه
📰 الحراك السياسي:
👈 ارتفاع معدلات الإصابة بالسرطان وتسجيل ألف حالة جديدة شهريا
📌 بالطريقة دي شكلنا راجعين لكلام وزير صحتنا الهمام بحر أبو قردة
ه
📰 الحراك السياسي:
👈 غرفة المستوردين للحراك: فقدان 500 مليون دولار بسبب تفاقم أزمة ميناء بورتسودان
📌 الحمدلله على الفقدان ، أصلا ما قاعدين نسمع غيره ، حقو نسمي البلد جكهورية الفقدان برئاسة البرهان
ه
📰 الحراك السياسي:
👈 حكومة نهر النيل تغلق محلات بيع الشيشة وتصدر عددا من القرارات للحد من انتشار كورونا
📌 آمنة ال في المزاج ماذياني
ه
📰 الحراك السياسي:
👈 العدل والمساواة تحذر من مخاطر تمدد الصراع الحدودي في تشاد
📌 الصراع الحدودي دا زي (بول وافق) لازم يتمدد وينشر
ه
📰 الحراك السياسي:
👈 الارصاد: درجة الحرارة ستتخطي ال43 درجة مئوية
📌 بلد زي فونية بابور الجاز سخانة من جميع الاتجاهات والبطن تنفخ جاز وفوق راسها حلة تغلي
ه
📰 المواكب:
👈 إسلاميون يتوعدون وجدي صالح بدفع الثمن غاليا
📌 أعلى مافي خيلهم يركبوهو
ه
📰 المواكب:
👈 الشيوعي يكذب البرهان ويتهم شركات الجيش بالتسبب في الأزمة الاقتصادية
📌 فشرررر البرهان لا يكذب ولكن يتجمل
ه
📰 أخبار اليوم:
👈 الصحة : توجيهات عاجلة بإنهاء إجراءات 21 مليون يورو لاستيراد الأدوية المنفذة للحياة.
📌 مبروك مقدما للشركات الوهمية والفلول في الوزارة والامدادات
ه
📰 السوداني:
👈 تفاصيل تنازل البنك المركزي عن أسهمه ببنك أم درمان
📌 عادي واحيانا تلقى المتنازل والمتنازل له الإتنين شخص واحد…..
ه
📰 السوداني:
👈 مدير الطب العدلي يكشف لـ (السوداني) معلومات صادمة عن الجثث المتحللة
📌 معلومات شنو ، يعني حاتكون الجثث قامت شربت ورقدت ماتت واتحللت
ه
📰 السوداني:
👈 الغموض يكتنف الأوضاع في تشاد مع اقتراب المعارضة من إجنمينا
📌 بركاتكم يا شيوخ الجنينة
ه
📰 السوداني:
👈 النائب العام : جثث مشرحة (الأكاديمي) لا علاقة لها بالمفقودين
📌 مصدقنك
ه
📰 السوداني:
👈 عضو بمجلس الشركاء يستبعد إعفاء جميع الولاة
📌 هم مساكين شافوا شنو بعضهم لي هسع ما فرتك ملابسه من الشنطة
ه
📰 السوداني:
👈 غياب المحقق في قضية النقل النهري بسبب الكورونا
📌 معانا المحقق كونان نرسله ليكم .؟
ه
📰 السوداني:
👈 والي شمال كردفان يوجه القوات النظامية بإنفاذ القانون
📌 العين بصيرة واليد قصيرة
ه
📰 السوداني:
👈 (الامة القومي) يطالب مبارك بحل حزبه اولا لحدوث التسوية
📌 أفرض حلاهو وجيتوا انتو مسكتوه الماسورة يعمل شنو
ه
📰 السوداني:
👈 (الصحة) : 40 %نسبة توفر الأدوية الإساسية و (5 ) ملايين دولار عاجلة لإمدادات
📌 خلاص كفاية أصلا القاعدين يوصلو المستشفيات عندنا أقل من 40% ذاتو
ه
ه
📌ابووضاح 📌
https://www.facebook.com/dababies