📌 دبابيس من صحف الأحد 04 ابريل 2021م

ه
ه
⚠ أخبار كنغولية:
👈 لعناية الصحف والصحفيين المهتمين بالاخبار الكنغولية: شباب بلوزداد يطيح بمازيمبي (الكونغولي)….
تحت تحت قالوا المرأة الكنغولية المحجوزة في السودان أصلا جاءت تشيل لها (كادوك) من فكي في المنشية تحصل به المباراة لكن السودانيين لعبوها مع فريق بلوزداد حجزوها في السودان….
ه
ه
⚠ السودان يحقق مالم تحققه الجامعة العربية:
👈 محكمة في (الخرطوم) تحكم لصالح موطن ليبي (من طرابلس) في الدعوة التي رفعها ضد مواطن اماراتي (من ابوظبي) فتحكم المحكمة ببيع ارض مساحتها 30 الف فدان تقع في منطقة (ودراوة) بمحلية شرق الجزيرة بولاية الجزيرة (قلب السودان) واليوم 4 ابريل تنعقد المحكمة لتنفيذ حكم البيع…….
📌 زمان كن نسمع ب خلط الحابل بالنابل ، خلط الحق بالباطل ، خلط الجد بالمزاح ، خلط الصاح بالكذب ، خلط العلم بالدجل ، خلط شراب الشعير بالليمون ، خلط الموز باللبن ، خلط الجبنة بالطحنية ، بل وصل بنا الحد أن قال احد الشعراء يسأل حبيبه انت صاحي والا نايم والا طرفك من طبعه نعسان ، والراحل خليل إسماعيل يغالط نفسه بي إصرار ويقول يمكن أنا ال ماجيت…..
لكن زي دا يعمينا ويطرشنا………..
ه
ه
⚠ البرهان الى قطر:
👈 ذكرت مصادر إعلامية أمس السبت أن الزيارة المرتقبة لرئيس المجلس السيادة الفريق أول ركن عبدالفتاح البرهان للدوحة ستستمر يومي الأربعاء والخميس بمرافقة وزراء الدفاع والمالية والخارجية. وقبل أسبوعين أرسل أمير دولة قطر الشيخ تميم بن حمد آل ثاني، رسالة خطية إلى “البرهان” بحسب صحيفة السوداني الدولية، تتصل بالعلاقات الثنائية وسبل دعمها وتطويرها، كما تضمنت دعوة رسمية لزيارة قطر. الخرطوم (كوش نيوز)…….
📌 تعال ورينا دا شنو الهببتو مع مصر دا ؟
ه
ه
⚠ *مدير البنك الدولي يزور السودان *:
👈 الخرطوم: النورس نيوز….أعلن وزير المالية والتخطيط الاقتصادي السوداني جبريل إبراهيم، عن زيارة رئيس البنك الدولي للبلاد في الأيام القادمة، وقال الوزير في تغريدة، إن الزيارة هي أول زيارة لمدير البنك الدولي للسودان ‘مؤكدا دعمه لإصلاح الاقتصاد السوداني…….
📌 زمان ما كان بي يجينا ، اظنه كان خايف من البركاوي ……
ه
ه
📰 الوطن:
👈 قيادي بالحرية والتغيير يهاجم الحكومة بسبب زيادة أسعار الوقود
📌 عامل فيها نيران صديقة ؟
ه
📰 الوطن:
👈 إتجاه لحظر إنشاء الأحزاب على أساس ديني
📌 احظروا ميتينها ذاتو
ه
📰 الوطن:
👈 حمدوك ارتفاع أسعار العملات مجدداً ومطالبة بتحرير سعر الذهب
📌 ياخوي انت بالطريقة دي قاصد سنعبر والا سنطير ؟
ه
📰 الوطن:
👈 حميدتي: أي سوداني في ليبيا دون إذن يعتبر مرتزق
📌 طبعا اذا بي اذن يعتبر رزق ساقه الله لكم
ه
📰 التيار:
👈 التجاني الطيب : الوقود خلق سوقاً اسوأ من الموازي ودعوة للفساد
📌 أسوأ من الموازي دا يا منحرف يا شبه منحرف ياربي ؟
ه
📰 التيار:
👈 تزامناً مع المفاوضات .. إثيوبيا تعلن موعد إنتاج الكهرباء من سد النهضة
📌 دا معناته معانا والا مع الخيانة
ه
📰 التيار:
👈 ختام مناورات نسور النيل 2 بحضور قيادات الجيش السوداني و المصري
📌 طبعا عشان موضوع حلايب نعتبرها نسور (الليل اب كراعن برا )
ه
📰 المواكب:
👈 إرتفاع القتلى في أحداث السريف و إعلان حالة الطواريء
📌 ما كان ممكن يعلنوها قبل ارتفاع عدد القتلى ؟
ه
📰 المواكب:
👈 تفكيك كتل وتوسعة مقاعد المجلس المركزي للحرية و التغيير
📌 بعد شوية المقاعد مابتنفع الا تفرشوا برش
ه
📰 المواكب:
👈 إحباط عملية تهريب مهاجرين إثيوبيين الى الخرطوم
📌 يعني نحن شغلنا نبقى حارسين الحبش ]ا احباط مناوشات مليشيات اثيوبية يا احباط تهريب مهاجرين ؟
ه
📰 النيل الدولية:
👈 السودان يغلق معبر (القلابات) الحدودي مع اثيوبيا
📌 عقبال معبر ارقين
ه
📰 النيل الدولية:
👈 صندل يكشف عن بداية تنفيذ مصفوفة السلام
📌 ألحقونا بالمصفوفة قبل ما تلتهمنا المسفوفة
ه
📰 النيل الدولية:
👈 إسدال الستار على البحث الجاري لغرقي حادث اللنش في بحيرةالنوبة
📌 ربنا يرحم المتوفيين ويصبر أهالي المفقودين
ه
📰 النيل الدولية:
👈 لجنة الصاغة تعترض على فرض 1000 جنيه على جرام الذهب
📌 يعني هسع انتو الف جنيه حا تعمل لكم شنو ؟ فنانة واحدة ممكن تغطي لكم فرق سنة
ه
📰 الحراك السياسي:
👈 وزير الطاقة ل ( الحراك ) : الزيادة في أسعار الوقود ستستمر
📌 زيادات زي خاذوق العشر كان خلوهو (سيستمر) وكان مرقو اتكسر
ه
📰 الحراك السياسي:
👈 (13) مليارا لاطعام الكلاب البوليسية ودراسة لاستخدامها في فحص (كورونا)
📌 ما عندكم وظايف خالية ؟
ه
📰 الحراك السياسي:
👈 مرسوم ولائي يحظر التمييز العنصري والقبلي
📌 يحظره تماماً والا يحظر تحالف الشمال؟؟ كان ما متنا شقينا المقابر
ه
📰 الحراك السياسي:
👈 الشيوعي يدعو إلي مؤتمر ينهي أزمة الحكم
📌 والله ازمة الحكم دي الا تنهيها القيامة
ه
📰 الحراك السياسي:
👈 بدء جولة مفاوضات جديدة في كينشاسا حول سد (النهضة )
📌 وعادت حليمة
ه
📰 الحراك السياسي:
👈 الامة : تاخير استكمال هياكل السلطة اثر سلبا علي الاداء التنفيذي للدولة
📌 خلاص جمدوا نشاطكم
ه
📰 الصيحة:
👈 الجيش : لن نسمح لأي أثيوبي بالزراعة في الفشقة
📌 ونحن معاك يا معلم لا اثيوبي ولا مصري (واخد بالك انت)
ه
📰 الصيحة:
👈 حريق يقضي علي (1200) نخلة بالشمالية
📌 بطلوا العنصرية ما تقولوا بالشمالية قولوا جنوب مصر ….
ه
📰 الصيحة:
👈 مقتل وجرح (7) من أبناء المسيرية في هجوم شمال أبيي
📌 يحول لعناية الحركات الموقعة على اتفاقية سلام جوبا
ه
📰 الصيحة:
👈 حزب البعث: الحكومة لا تكترث لذوي الدخل المحدود
📌 (ذوي الدخل المحدود) دا مصطلح قديم المصطلح الجديد اصبح (ذوي الدخل المعدوم)..
ه
📰 السودانيٰ :
👈 حزب البعث ينتقد زيادة أسعار المحروقات والجمارك والرضوخ لإملاءات المقرضين.
📌 طيب في رايكم الحل شنو ؟
ه
📰 السودانيٰ :
👈 انعقاد المؤتمر التأسيسي لحزب الثورة بنيالا وممثل الوالي يعلن انتهاء الصراعات القبلية.
📌 وممثل الوالي دا إعلانه دا تمثيل برضو والا كلام جد
ه
📰 السودانيٰ :
👈 إدارة المرور تجلب تهنئة دولية لوزارة الداخلية السودانية.
📌 يستاهلوا والله ما مقصرين ابدا بس كان بطلوا قصة (خارج نفسك يازول دي)..
ه
📰 السودانيٰ :
👈 ملثمون ينهبون ركاب سيارة ويتركونهم عراة بدارفور.
📌 الحمد لله طلعوا ملثمين لو كانوا (كنغوليين) كان حصل كلام تاني
ه
📰 السودانيٰ :
👈 إستطلاع رأي: لا للعلمانية والدين خط أحمر.
📌 في ناس لا عاوزين العلمانية ولا عاوزين الدين اها ديل خطهم لونه شنو؟
ه
📰 السودانيٰ :
👈 الإتحاد الأفريقي يؤكد دعمه لجهود تنفيذ سلام السودان و إلحاق غير الموقعين .
📌 شكرا للاتحاد الافريقي وطظ يا اللي في بالي نفر نفر
ه
📰 السودانيٰ :
👈 المالية : سبب الأزمة الإقتصادية الدولة “مفلسة”.
📌 الدولة مفلسة؟ ودا من ايه لامؤاخذة حساسية يعني ولا زعل؟
يعني الدولة نامت مرة زعلانه صحيت لقيت نفسها مفلسة، والا سحلية عدت من على رقبتها وهي نايمه؟
ه
📰 السودانيٰ :
👈 تضاعف أسعار التذاكر بالميناء البري نتيجة لإنعدام الجازولين.
📌 حقو تاني المسافرين يدقوا شيرنج وكل زول يجيب معاهو جالون والا جالونين جاز
ه
📰 السودانيٰ :
👈 مركز الفلك الدولي يحدد “غرة شهر رمضان” في معظم الدول.
📌 حتى الدول العلمانية ؟
ه
📰 السودانيٰ :
👈 وفاة 7 أشخاص بعد تلقيهم ” أسترازينيكا” في بريطانيا.
📌 سجمنا
ه
📰 السودانيٰ :
👈 تكدس مئات السيارات في محطات الوقود بالخرطوم.
📌 أحسن من تقيف قدام البيوت وتتسرق والا تلف في الشوارع وتتنهب
ه
📰 السودانيٰ :
👈 متضررو حرب الخليج يصعدون قضيتهم بالثلاثاء.
📌 انتو حقو ترفعوا قضية ضد الأمم المتحدة خلوا الأمم المتحدة تجيب الناس ال سلمتهم القروش
ه
📰 السودانيٰ :
👈 مفرح يدعو اليهود للعودة إلى السودان.
📌 هههههه مفرح شيطان ، عاوز يركبهم الماسورة لكن اليهود نجاااااض
ه
📰 السودانيٰ :
👈 فتح ملفات جديدة لـ”فساد” أحمد هارون وقيادات بالنظام البائد.
📌 ولاااااا الهواء
ه
ه
📌ابووضاح 📌
https://www.facebook.com/dababies