📌 دبابيس من صحف الثلاثاء 23 مارس 2021م

ه
ه
⚠ ربنا ستر:
👈 غايتو لو ما ربنا ستر السيد مدير عام الشرطة قررررررب يطالب بتعيينات جديده في الشرطة بوظيفة مغتصبين…..
ه
ه
⚠ كذبة ابريل:
👈 بما انه ابريل ماشي علينا نطلب من الحكومتين السودانية والمصرية تجهيز كذبة لا تقل عن كذبة المخابز المصرية القالوا عددها 10 مخابز آلية ضخمة لإنتاج 2 مليون رغيفة يوميا والتي تم تركيبها وافتتاحها بالخرطوم العام الماضي……….
ه
ه
⚠ من أخبار محاكمة عبدالباسط حمزة:
👈 朝同一个方向，第二十五位辩方证人，易卜拉欣河·沙里·哈津公司的董事说，公司于2002年在阿拉伯联合酋长国成立，并在经济发展部注册。被告是该公司25％的股东，其资本为（300）阿联酋迪拉姆，并补充说该公司在苏丹没有任何活动，并且证人否认与Sudatel Company之间存在任何关系….
📌 لمزيد من التفاصيل الا تتصلوا بي عبدالباسط شخصياً؟
ه
ه
⚠ * زيرو فساد تطلب شطب دعواها ضد “أوكتاي”*:
👈 الخرطوم: سودان برس…… كشف خطاب مُسرّب، عن توجيه من منظمة “زيرو فساد” للنائب العام بتاريخ 22 فبراير الماضي، طلبت فيه شطب الدعوى التي كانت قد دوّنها ضد رجل الأعمال التركي أوكتاي شعبان حسني.
وكانت منظمة “زيرو فساد” قد دوّنت بلاغاً ضد أوكتاي بالرقم 123/ 2019 تحت المادة 7 الثراء الحرام، والمادة 44 من قانون الضرائب، والمادة 35 من قانون غسل الأموال.
وقال الخطاب المُوجّه للنائب العام والممهور بتوقيع الرئيس المكلف للمنظمة، إخلاص صلاح وداعة الله، إن الرئيس السابق للمنظمة نادر العبيد قام بفتح البلاغات المذكورة ضد رجل الأعمال التركي في تعاقداته مع وزارة الكهرباء وبعض شركاته الأخرى.
وأضافت إن رجل الأعمال التركي أوكتاي شعبان مثل أمام النيابة وتم التحقق من جميع العقود المُبرمة مع وزارة الكهرباء والطاقة وتم التأكُّد من قانونيتها وهي عقود رسمية مُوثّقة من وزارة العدل.
وأشار الخطاب أنّ العقد الخاص بمشروع محطات الكهرباء أُبرم مع أربع شركات أجنبية هي سيمنز وشركة سيمي انرجي وشركة لاهايمر الألمانية وشركة جيمو.
وذكر الخطاب أن الحكومة لم تُقدِّم أيّة ضمانات بالعُملات الأجنبية لهذه الشركات التي كانت تبحث عن ضمانات بنكية لإتمام هذه التعاقُدات، وقامت شركة سيمي (يمتلكها أوكتاي) بتوفير هذه الضمانات بدون أرباح.
ونوه الخطاب “زيرو فساد” للنائب العام، أنّه بدلاً من شكر رجل الأعمال التركي، قام الرئيس السابق للمنظمة نادر العبيد بفتح بلاغ ضده، مِمّا جعل القضية في متناول الرأي العام وأضرّت بسُمعته – حسب الخطاب – وتحدّثت زُوراً وبُهتاناً عن فساد رجل مَد يده لمُساعدة وإنارة السودان – حسب وصف الخطاب.
وطلب الخطاب من النائب العام شطب البلاغ ضد رجل الأعمال التركي أوكتاي شعبان حسني حتى يتمكّن من إكمال مشاريعه الاستثمارية في السودان وحتى يتواصل إمداد الكهرباء بالمناطق المختلفة………..
📌 اللهم شلحنا وغطي أوكتاي اللهم أنفخنا وفسي أوكتاي … اللهم اخرب بيتنا احنا ياشيخ…..
ه
ه
📰 الوطن:
👈 مصرع إمرأة وأطفالها الثلاثة ذبحاً وحرقاً بنيالا
📌 والله بعد الجرايم دي مفروض نيالا دي هسع تكون فاضية مافيها زول
ه
📰 الوطن:
👈 الجيش يضبط أسلحة ومتفجرات على الحدود مع إثيوبيا
📌 أخير زمان زمن الكيزان الحدود دي كانت بتهرب شاشمندي وويسكي ، شغل مزاج
ه
📰 الوطن:
👈 تفاصيل جديدة في محاكمة علي مجوك الإنقلابية
📌 المحاكمة دي الا تعملوا ليها دعاية في النيل الأزرق لأنه مافي زول شغال بيها
ه
📰 الوطن:
👈 حمدوك يؤكد الاهتمام بالزراعة وتمويلها
📌 ركز على تمويلها الاهتمام بي يجي براهو
ه
📰 الوطن:
👈 مطالبة بالإفراج عن عثمان كبر بالضمان
📌 وياريت كمان فوق البيعة أحمد هارون وعلي عثمان ونافع أصلا البشير محكوميته قربت تنتهي
ه
📰 التيار:
👈 القضارف .. أزمة خانقة في مياة الشرب
📌 دا قبل الملئ بتاع السد ؟
ه
📰 التيار:
👈 البنك الزراعي : البلاد فقدت منحة ب(300) ألف طن سماد بسبب تناقل الإعلام لفساد بالبنك
📌 لكن هو في فساد والا مافي؟
ه
📰 التيار:
👈 الغرفة القومية للمصدرين :توقعات أن تصل صادرات الثروة الحيوانية 5 مليار دولار
📌 توقعات والا أحلام؟
ه
📰 المواكب:
👈 الاستخبارات: ود إبراهيم التزم بتوفير المدفعية والطائرات لانقلاب مجوك
📌 يعني شنو تراها الحكومة كل يوم تقول ملتزمة بي شي وما تنفذه في زول ضربها طلقه؟
ه
📰 المواكب:
👈 أوامر عليا بمصادرة أي عربة بوكو حرام يمتلكها ضابط
📌 صَدَقْنا
ه
📰 المواكب:
👈 حجز ملف رجل الأعمال عبدالباسط حمزة للنطق بالحكم
📌 عمره كم الزول دا؟ عشان ما تسوونا في فتيش روضه وحضانة زي المخلوع
ه
📰 المواكب:
👈 عاصفة رملية قوية تضرب شمال وغرب البلاد
📌 خربانه خربانة
ه
📰 المواكب:
👈 حمدوك يدعو للهجرة العكسية للريف بروح التغيير لمحاربة الفقر والجوع
📌 نحن بي نرجع للريف ، لكن ال بي يرجع لك الحركات المسلحة منو؟
ه
📰 الانتباهة:
👈 ضبط خلية لداعش بالخرطوم
📌 خلية قايمة (بروس) والا عندها علاقة بعبدالحي والجزولي ؟
ه
📰 الانتباهة:
👈 تحقيقات فض الإعتصام تنتقل للبحر الأحمر
📌 معناتها التحقيقات قرررربت تقع البحر
ه
📰 الانتباهة:
👈 الدعم السريع : ودابراهيم ومجوك خططا للقيام بتمرد عسكري
📌 والتمرد العسكري دا عيب يعني ؟
ه
📰 الانتباهة:
👈 دعوي دولية ضد إثيوبيا لدفع 25 مليار دولار
📌 في شنو؟
ه
📰 الانتباهة:
👈 النطق بالحكم في قضية عبدالباسط حمزة 9 أبريل المقبل
📌 عليكم الله خلوها واحد ابريل عشان تبقى اسم على مسمى
ه
📰 الانتباهة:
👈 مغادرة متهم في قضية لجان المقاومة وكباشي للخارج
📌 راح تركيا ؟
ه
📰 الحراك السياسي:
👈 فساد مصنع سكر مشكور يقود عوض الجاز والمتعافي للمحكمة
📌 عوض الجاز مابعرفو لكن المتعافي بي يمرق منها
ه
📰 الحراك السياسي:
👈 الطب العدلي للحراك:1228 جثة مجهولة بعضها مرتبط بفض الإعتصام
📌 ادفنوها أصلا موضوع فض الاعتصام ذاتو مات واندفن
ه
📰 الحراك السياسي:
👈 رسو بواخر سكر ببورتسودان وجهاز منع الاحتكار يتوعد المهربين
📌 والمهربين مطنشين
ه
📰 الحراك السياسي:
👈 حمدوك: تصدير الخام دمر الزراعة
📌 ما تكلمنا عن التدمير عشان ما نعيط
ه
📰 الحراك السياسي:
👈 ضابط يكشف مخططا لتصفية قيادات واعتقال اعضاء بالسيادي
📌 كان يخليها تتقد الرهيفة
ه
📰 الحراك السياسي:
👈 جنوب سودانيون ضمن النيقرز والسفير للحراك : مساع تقودها دولة لإفشال وساطة جوبا
📌 ايش دخل عيشة في ام الخير ؟
ه
📰 الحراك السياسي:
👈 العباسي للحراك:حضانات الأجهزة الأمنية موروثة من النظام البائد وعطلت إنفاذ القانون
📌 والحضانات دي كهربتها مابتقطع مع الكهرباء؟
ه
📰 الحراك السياسي:
👈 توقف 70% من شركات البصات السفرية عن العمل
📌 أحسن ، هو ذاتو مع الكورونا دي السفر ماكويس
ه
📰 الصيحة:
👈 تحرير مدخلات إنتاج الزراعة
📌 الحاجات كلهن اتحررن الله يحرر الانسان
ه
📰 الصيحة:
👈 رعاة يقطعون الخط الرئيسي لمياه جبل موية لتوفير مياه تسقي انعامهم
📌 الانعام دي عندها سورة في القرآن عمركم سمعتو بي سورة اسمها جبل موية؟
ه
📰 الصيحة:
👈 ياسر عباس: الوزارة تعمل علي زيادة رسوم الري في المشاريع الزراعية
📌 دا من الأعمال التي يتم الموافقه عليها بسرعه ، الحكومة تموت في الزيادات
ه
📰 النيل الدولية:
👈 السودان ندعم مبادرة إنهاء الحرب في اليمن
📌 ههههاااي عريان ولابس صديري
ه
📰 النيل الدولية:
👈 وزارة المعادن تسترد آليات مستأجرة بطرق غير قانونية لشركات تعدين
📌 باكر يتضح انها بطرق قانونيه وترجع لهم ، كان ما متنا شقينا المقابر
ه
📰 النيل الدولية:
👈 ترتيبات لترحيل اللاجئين الإثيوبيين من المناطق الحدودية
📌 ودوهم سد النهضة
ه
📰 أخبار اليوم:
👈 كورونا تعاود الارتفاع وتزايد الوفيات والإصابات بالولايات.
📌 والله كورونا ارحم من النهب الحاصل دا
ه
📰 أخبار اليوم:
👈 وزير الري يدعو اثيوبيا لقبول الوساطة الرباعية للوصول لاتفاق عادل.
📌 في مغريات والا دعوة ساكت كدا لله
ه
ه
📌ابووضاح 📌
https://www.facebook.com/dababies