📌 دبابيس من صحف الأحد 14 مارس 2021م

ه
⚠ سؤال:
👈 يوجد في السودان ما لا يقل عن عشرة مليون لاجئ وأجنبي من مختلف الدول يقيمون بدون (حتى) أوراق ثبوتيه السؤال : كيف يرسل هؤلاء أموالهم الى بلدانهم الأصلية؟؟…….
📌 عندما نقول لكم البلد دي مقدودة صدقونا……..
ه
ه
⚠ برقية:
👈 برقية من المغتربين في سلطنة عمان ودولة الامارات العربية المتحدة…..
الى السيد رئيس مجلس الوزراء والسيد وزير المالية والسيد محافظ البنك المركزي
نفيدكم باننا فشلنا في تحويل الأموال الى حساباتنا في السودان سواء في الخرطوم او في الولايات….قف…….
المبالغ التي أرسلت عن طريق الويسترن يونيون بعضها تم استلامه بعد ثمانية أيام وبعضها لم يستلم حتى الآن….قف….
الأكل والشراب والدواء ورسوم المدارس والجامعات ومصاريف الطلبة لا تعرف يعني شنو إجراءات……
لا تؤاخذونا ان لجأنا الى السوق الموازي…….
ه
ه
⚠ مقتطفات من حديث (عبدالرحيم دقلو):
👈 الخرطوم :النورس نيوز …… (وأشار دقلو إلى أن البعض اتجه إلى مهاجمة الحركات المسلحة ورفضوا وجودها في الخرطوم؛ وزاد” أقول لهم الخرطوم دي ما حقت زول ولا مسجلة باسم احد في شهادة بحث”.)….
📌 استيم….تفاااح….
ه
ه
⚠ اقتراح:
👈 نقترح على مجلس السيادة تكوين مفوضية جديدة باسم (مفوضية نفس الزول) وذلك لمتابعة وفتح بلاغات ما يعرف بجريمة (نفس الزول) حيث لوحظ في الآونة الأخيرة تعدد الاستخدامات لهذه العبارة مابين شاعر وفنان الى تركيب لقطات فيديو مختلفة وانتقلت المسألة لكتابة العبارة على الزجاج الخلفي للسيارات والركشات ونخشى أن تنتقل الظارهة الى تسمية المواليد فنجد غدا طفل اسمه نفس الزول …..
ه
ه
📰 الوطن:
👈 إرتفاع في أسعار الأدوية يتجاوز 600%
📌 600% من ياتو سعر؟ ورونا الأساس الذي حسبت عليه النبسة
ه
📰 الوطن:
👈 إزالة التمكين تلقي القبض على الجميعابي
📌 أممممك دا بي يفت أي حاجة ما عنده قشة مرة
ه
📰 الوطن:
👈 لجنة التحقيق في إرجاع البواخر توصي بمحاسبة مسئولين
📌 بس؟
ه
📰 الوطن:
👈 السعودية تبدأ اليوم إلغاء نظام الكفيل
📌 أوع النظام دا يكون شامل الحكومة كمان ، نحن معتمدين على الله وعلى الكفيل
ه
📰 التيار:
👈 أبناء قريضة يطالبون بالوصاية الدولية وإقالة حكومة جنوب دارفور
📌 وسعوها شوية وطالبوا بعودة الانجليز عشان كلنا نقيف معاكم
ه
📰 التيار:
👈 وزير الري: سنستخدم كل السبل للدفاع عن أمننا القومي
📌 بما فيها الدفاع بالنظر؟
ه
📰 التيار:
👈 ضبط عدد من المصانع المخالفة لقواعد السلامة البيئية
📌 ياخي كتر خيرهم شغالين في الظروف دي
ه
📰 التيار:
👈 السلطات تسترد معدات نهبت من مقر يوناميد بجنوب دارفور
📌 ان شاءالله يكون معاها الدوشكا بتاع الشرطة
ه
📰 التيار:
👈 المختبرات الطبية تواصل التصعيد وتعلن جدولا جديدا للإضراب
📌 حقك تلاوي وتقلعو
ه
📰 التيار:
👈 ميرغني موسي يكشف عن إتفاقيات قد تنعش قطاع النقل السوداني
📌 آمين
ه
📰 المواكب:
👈 السودان يهدد إثيوبيا : سندافع عن حقوقنا بكل السبل
📌 واثيوبيا عاملة ميتة
ه
📰 المواكب:
👈 توجيهات صارمة للأجهزة الأمنية بمنع دخول سيارات البوكو
📌 رزق ساقه الله لهم
ه
📰 المواكب:
👈 فك احتكار صادر الماشية بين الخرطوم والقاهرة
📌 كدا الجيش يزعل
ه
📰 المواكب:
👈 العمل تكشف تفاصيل بشأن قانون النقابات الجديد
📌 النقابات الله أعلم تقوم لها قائمة ، دي فككها طبيب أسنان خلاها ليكم كل ضرس الا يراسل اخوهو بالواتساب
ه
📰 المواكب:
👈 إثيوبيا تطالب المجتمع الدولي بالضغط علي السودان
📌 السودان ضاغطه الزمن والله
ه
📰 الانتباهة:
👈 القراي بدون 3 بلاغات جديدة بالتصفية
📌 من حقو بالغانون طبعاً
ه
📰 الانتباهة:
👈 الشيوعي: لن تعفي الديون الخارجية الي يوم القيامة العصر
📌 رواه لينين
ه
📰 الانتباهة:
👈 سعد الخير: جهاز المخابرات مستمر في طلب العفو عن قتلة المعلم
📌 النجم يا بني كان أقرب
ه
📰 الانتباهة:
👈 الكهرباء: بطء المالية والمركزي في توفير التمويل يعيق ضمان استمرار التيار
📌 المالية تاني اقنعوا منها لحدي ما تشبع الحركات
ه
📰 الانتباهة:
👈 2 مليار دولار من الاتحاد الأوربي لبرنامج دعم الأسر لعامين
📌 أوعدنا يا رب
ه
📰 الانتباهة:
👈 (3) ضباط شرطة التحري في بلاغ كباشي ضد لجان المقاومة
📌 نفس الزول؟
ه
📰 الانتباهة:
👈 نجاة قيادي بالتغيير من محاولة إغتيال
📌 أمممك بدينا في الزحاليق
ه
📰 الحراك السياسي:
👈 وزير للحراك: استثمارات خليجية جديدة ب10 مليارات دولار
📌 حكي
ه
📰 الحراك السياسي:
👈 تحركات في القاهرة لتسليم قوش
📌 ود الزمزمي عليك النبي تجي
ه
📰 الحراك السياسي:
👈 أكثر من 3 آلاف سوداني يسافرون سنويا للعلاج بالخارج
📌 كلهم قاعدين يشتروا دولار من السوق الموازي
ه
📰 الحراك السياسي:
👈 إحباط محاولة جديدة لتهريب كميات من الأسلحة بالقضارف
📌 حقو نغير اغنية سمسم القضارف نخليها أسلحة القضارف
ه
📰 الحراك السياسي:
👈 الميرغني يتبني مبادرة لتنفيذ إتفاق الشرق
📌 أها دي بالضبط (مابدري يا خليفة)
ه
📰 الحراك السياسي:
👈 عبدالرحيم دقلو: تم حل قضية هلال بالصبر والحكمة
📌 عقبال حل باقي القضايا
ه
📰 الحراك السياسي:
👈 إتفاق لترخيص مركز تجاري سوداني في القاهرة ومصري في الخرطوم
📌 لتزوير العملة وبيع المنتجات منتهية الصلاحية ؟
ه
📰 النيل الدولية:
👈 موسى هلال: جميعنا في المعتقل كنا ضحية لعمل مسموم
📌 يازول تحمد ربك ماوقفت صفوف ، نحن الخارج المعتقل العمل المسموم نكد عيشتنا
ه
📰 النيل الدولية:
👈 وزير الإعلام يؤكد على ضرورة التفكير في مشروعات جديدة لمرحلة الانتقال
📌 يازول هسع أكل العيش مخلي للناس فرصة يفكروا؟
ه
📰 أخبار اليوم:
👈 عودة المرحلة المتوسطة ابتداء من العام الدراسي الحالي.
📌 چي حليلو هو
ه
📰 أخبار اليوم:
👈 الصحة تقطع بعدم إلزامية اورنيك 8 الجنائي فى علاج المصابين والمتعرضين للعنف بالمستشفيات.
📌 طلقت
ه
📰 أخبار اليوم:
👈 الشيوعي يطالب بتحقيق العدالة الاجتماعية والديمقراطية حتى تتحرر المرأة
📌 كدي خلي يتحرر الرجل الأول
ه
📰 أخبار اليوم:
👈 بمشاركة السودان: انطلاق مؤتمر حوار الأديان والثقافات فى القاهرة.
📌 نفس المكان الذي انطلقت منه فكرة الاخوان المسلمين
ه
📰 السوداني:
👈 وزير التربية : لم أستقل ً وتصرف رئيس الوزراء مؤسف وليس متوقعا
📌 مكره أخاك لا بطل
ه
📰 السوداني:
👈 وكيل الثروة الحيوانية المقال : اسألوا عن من يصدر إناث الابل لتعرفوا الحقيقة
📌 عارفنها
ه
📰 السوداني:
👈 لجان التغيير تعيد تأهيل محطة للسكة الحديد بالحصاحيصا
📌 الله يديهم ليها قطار
ه
📰 السوداني:
👈 نمر يوجه بإنفاذ توصيات لجنة هيكلة العمالة المؤقتة
📌 صحي النوم
ه
ه
📌ابووضاح 📌
https://www.facebook.com/dababies