رأي

دبابيس من صحف الاثنين 31 مايو 2021م 

 

ه
ه
⚠ *سؤال*:
👈 بأي عين يتحدث عن القانون رجل كان يقف على المنبر ويقول لزبانيته اضرب لتقتل (شوت تو كيل) وآخر يأمرهم قائلا ما تجيبو حي ، ما تعمل لينا عبء اداري؟ ….
ديل أصلا ما محتاجين محاكمة مفروض بس بالتصريحين ديل يعدموا لأنه أي روح ازهقت تعتبر ازهقت بناءا على هذه التعليمات التي سمعها كل السودان بل كل العالم…..
ه
ه
⚠ *أخبار كورونا*:
👈 النيل الدولية: كورونا في السودان.. 224 إصابة جديدة و24 وفاة…..
ه
ه
⚠ *”وزير الداخلية” يطلع حمدوك على الأوضاع الأمنية بالبلاد*:
👈 الخرطوم :النورس نيوز…… اطلع رئيس مجلس الوزراء عبد الله حمدوك على مجمل الأوضاع الامنية في البلاد. جاء ذلك لدى لقائه اليوم بمكتبه برئاسة مجلس الوزراء وزير الداخلية الفريق أول شرطة حقوقي عزالدين الشيخ.
وكذلك اطلع حمدوك خلال اللقاء على الإصلاحات المستمرة التي تقوم بها وزارة الداخلية داخل المؤسسات الشرطية المختلفة……
📌 سيبك من حمدوك ، انا اول مرة أعرف انه وزير الداخلية مطلع على الأحوال الأمنية في البلد ، أنا كنت قايله في غيبوبة حتى كنت قاعد ادعي له ربنا يشفيه كان عيان ……
ه
ه
⚠ *صدور أمر بالقبض على مدير عام بدر للطيران*:
👈 الخرطوم : البرتال ….. تسلمت شرطة الدرجة الأولى أمر قبض صادر فى مواجهة مدير عام شركة بدر للطيران المهندس ابوشعيرة وذلك فى البلاغ المقدم ضده من مدير ادارة جمارك مطار الخرطوم وكانت الشرطة قد استجوبت اثنين من الشهود أحدهما يتبع للجمارك والآخر يتبع لأمن الطيران واللذان أكدا بأن المتهم قد أشان سمعة الجمارك واتهمها بالتورط فى تهريب الذهب وفى السياق عدلت مادة الاتهام من (٤٤) إجراءات أولية إلى المادة( ١٥٩) ق ج المتعلقة باشانة السمعه …….
📌 لا تهمنا سعة دا ولا داك يهمنا جدا انهم يختلفوا وينضبح بينهم كلب ويصبح بينهم ما صنع الحداد عشان نشوف تهريب الدهب دا قصته شنو ……
ه
ه
⚠ *تأجيل استجواب صلاح مناع في قضيته شركة زين*
👈 الخرطوم : النورس نيوز…. أجلت محكمة سودانية اليوم(الاحد) الجلسة المحددة لاستجواب عضو لجنة إزالة التمكين وإسترداد الاموال صلاح مناع ، في الدعوى التي قيدتها ضده شركة زين للاتصالات ، إلى يونيو المقبل….
الجدير بالذكر أن شركة (زين للإتصالات ) قيدت دعوى ضد مناع ، أفادت خلاله بانه قد قام باشانة سمعة الشركة عبر نشره مقطع تسجيل صوتي يتهمها فيه بعدم سداد الضرائب وانها تعمل في مجال تجارة السمسم وتجارة العملة الحرة وعدم سداد الشركة لرخصة التشغيل الخاصة بها .
من جهته قررت محكمة جرائم المعلوماتية بالخرطوم (2) ، تحديد جلسة في العاشر شهر يونيو المقبل لإستجواب عضو لجنة ازالة التمكين(مناع) على ذمة القضية……
📌 نحن عندنا صلاح مناع صادق الى أن يثبت العكس…..
ه
ه
📰 الوطن:
👈 جمارك مطار الخرطوم تحبط تهريب سبائك ذهبية بحوزة (3) سيدات في طائرة بدر.
📌 غايتو التهريب ال الا تمرقو داية دا قصته عجيبة
ه
📰 الوطن:
👈 تجفيف محطات الوقود تمهيداً لزيادة الأسعار.
📌 دا علم والا معلومات ؟
ه
📰 الصيحة:
👈 نائب الرئيس التشادي للصيحة / لم امنع وصول الوفود السودانية الي انجمينا
📌 يازول نحن عندنا ناس شغلهم يصحوا من الصباح قبل الشاي يفكوا لهم إشاعة يفكوا بيها الريق
ه
📰 الصيحة:
👈 الصيحة تكشف خليفة بنسودا في الحنائية
📌 مدد يا الخليفة مدد
ه
📰 الصيحة:
👈 الحكومة / جهات تعمل علي الانقلاب وإجهاض الإنتقالية
📌 دي جهات مدمنة على شم ولحس البوت
ه
📰 الصيحة:
👈 الجيش/ الاستثمار في أراضي الفشقة المحررة مسؤولية حكومة القضارف
📌 نقطة….. سطر جديد
ه
📰 الصيحة:
👈 إستئناف التفاوض بين الحكومة والشعبية جناح الحلو اليوم
📌 أها تاني بعد التفاوض مع الجناح في ضنب والا صدر نتفاوض معاهو والا خلاص؟
ه
📰 الصيحة:
👈 حمدوك يبحث مع حاكم دارفور ترتيبات تشكيل حكومة للاقليم
📌 حمدوك عاوز يدخل رفيقو في فتيل
ه
📰 الصيحة:
👈 احتواء حريق محدود بمطابع العملة
📌 ما مشكلة المطابع البرانية شغالة تش اقصد رب رب رب
ه
📰 الحراك السياسي:
👈 المركزي للحراك/ صدمنا من ارتفاع الدولار واياد خفية تعبث بالسوق
📌 ياحليلكم ، اوع تكونوا بُلتوا في هدومكم من الصدمة ؟
ه
📰 الحراك السياسي:
👈 هيئة محامي دارفور للحراك/ بنسودا ترغب في تسليم المخلوع للاهاي قبل مغادرتها البلاد
📌 يسويها اللانام لا أكل الطعام
ه
📰 الحراك السياسي:
👈 علي بلدو/ المجتمع السوداني يعيش موجة عنف غير مسبوقة سببها ترسبات فض الاعتصام
📌 كدي سيبك من دا ورينا الولد بتاع الأغينة لقيت له علاج والا لسع؟
ه
📰 الحراك السياسي:
👈 تصاعد الدعوات لإنصاف الضحايا في ذكري فض الاعتصام
📌 المشكلة (نفس الزول) الكاتل الضحايا تلقاهو رافع صوته مع الأصوات دي ، أها يحلوها كيف؟
ه
📰 الحراك السياسي:
👈 الفلول ينصبون المخلوع مجددا ومحللون يحملون الحكومة المسؤولية
📌 قرععع
ه
📰 الحراك السياسي:
👈 حمدوك يناقش مع والي غرب كردفان الوضع الأمني وملف أبيي
📌 غايتو حمدوك كرش الفيل دي ولا شغال بيها شغلة دولار رغيف جاز غاز كله عليهو خبر خير
ه
📰 الحراك السياسي:
👈 وفد تركي يصل البلاد مطلع الشهر المقبل
📌 بركاتك يا حميدتي
ه
📰 الحراك السياسي:
👈 بسبب بنطلون كاكي ..نظامي يتسبب في بتر ساق صبي بواسطة كلاش
📌 حسبنا الله ونعم الوكيل
ه
📰 المواكب:
👈 الكشف عن اتصالات بين اعضاء بالسيادي والوطني المحلول
📌 من يتصل بالمجرب عادة عليه الندامة
ه
📰 المواكب:
👈 إزالة التمكين/ نجل علي عثمان رفض تسليم منزل مبني بالمال العام
📌 حاكموهو بي قانون ابوهو (شوت تو كيل)
ه
📰 المواكب:
👈 الوفد الحكومي يسلم رده علي مسودة الاتفاق الاطاري اليوم
📌 نشيف
ه
📰 المواكب:
👈 بنسودا / كوشيب لن يكون المتهم الأخير أمام المحكمة الجنائية
📌 بنسودا دي بقت بتاعة مغارز ، تنفع قونة والله
ه
📰 المواكب:
👈 مناع يكذب مجلس شوري الوطني المحلول
📌 يازول دي فرفرة مذبح ما تضيع زمنك فيهم
ه
📰 المواكب:
👈 ترتيبات لوضع ميزانية وتأسيس حكومة إقليم دارفور
📌 بالرموت كونترول والا بي تمشوا هناك؟
ه
📰 المواكب:
👈 عضو بالسيادي يدعو لطي ملف الماضي ونبذ العنصرية والقبلية
📌 نطوي شنو ياخي التلاتين سنة الفاتت دي شرملت الملف دا شرميل والله الا نشيله في قفة
ه
📰 المواكب:
👈 الارصاد تتوقع إستمرار ارتفاع درجات الحرارة
📌 ماعندنا مانع بس اقطعوا الكهرباء من كوبر عشان تبردوا علينا
ه
📰 المواكب:
👈 اعلان حصيلة جديدة لإصابات كورونا
📌 يا لطيف
ه
📰 النيل الدولية:
👈 البعث ينفي ماتردد في الإعلام عن تأييد السنهوري لفض الاعتصام.
📌 أكيد والا الشينة منكورة ؟
ه
📰 السودانيٰ:
👈 الاستعدادات تكتمل لختام التمرين السوداني المصري المشترك “حماة النيل” صباح اليوم بمنطقة (أم سيالة) شمال غرب أمدرمان.
📌 دا حمو النيل وليس حماة النيل
ه
📰 السودانيٰ:
👈 رئيس هيئة الأركان السوداني ونظيره المصري الذي سيصل البلاد صباح اليوم يشرفان ختام التمرين.
📌 اللهم ارفع مقتك وغضبك عنا
ه
📰 السودانيٰ:
👈 أبرزههم عسكوري وأردول.. انتخاب مجلس التحالف والمكتب السياسي للتحالف الديمقراطي للعدالة الاجتماعية.
📌 يعجبني التحالف لما يبدأ باتنين عشان بعد شوية كل واحد ينشق ونجي نحن نقول التحالف الفلاني جناح فلان وجناح علان ويجي واحد تالت بالجنبة يعمل التحالف الفلاني الجديد
ه
📰 السودانيٰ:
👈 النائب العام يتخذ خطوات إيجابية في قضية معمر موسى وآخرين.
📌 نشيف ، كان تطلع إيجابية والا دغمسة
ه
ه
📌ابووضاح 📌
https://www.facebook.com/dababies

زر الذهاب إلى الأعلى