📌 دبابيس من صحف الاربعاء 12 مايو 2021

ه 
ه
⚠️    عدد خاص لأنه لن يكون ولا يجب ان يكون في صحف اليوم خبر غير احداث مساء امس…..
👈   بالامس الثلاثاء 29 رمضان وفي ذكرى الفض الدموي لاعتصام الثوار امام القيادة العامة للقوات المسلحة حدث نفس الشئ من نفس الزول
اطلاق الرصاص الحي على الثوار السلميين واصابات مباشرة ليرتقي شهيدان هما
الشهيد عثمان بدر الدين
و الشهيد مدثر مختار .
وسقط عدد من الجرحى تم نقلهم الى عدد من المستشفيات
نتمنى عاجل الشفاء للجرحى ونبعث بخالص العزاء للأسر الكريمة التى استشهد ابناؤها و لكل الشعب السوداني الصابر المكلوم.
والخزي والعار للخونة والجبناء
والويل لمتسلقي الثورات من الاحزاب الكرتونية المتكلسة التي تسببت في المأساة الاولى ووقعت على فض الاعتصام وثبت ذلك الآن بتكرار المأساة أمام نفس القيادة ونفس الجيش
ونفس الزول…..
لا جديد في الأمر فالغدر هو هو نفس الغدر
واليد الغادرة هي هي نفس اليد
والشهيد هو هو نفس الشهيد
والحلم قد تبدد والامنيات قد تبخرت والثورة تدنست تحت اقدام أحزاب قحت البائسة
نفس العقلية الامنية العسكرية ونفس تكميم الافواه ونفس القتل المجاني ونفس الاخفاء القسري ونفس المقابر الجماعية
نرفض رفضا قاطعا هذه الشراكة المغموسة في دم الشهداء
فليس هنالك فرق بين شراكة قحت والعسكر وشراكة العسكر والكيزان
بل يحمد للكيزان انهم تركوا الخزينة فاضية والا لكان نفس اللهط والشفط
ومقدما نرفض أي لجنة تحقيق يشكلها او يدعو لها حمدوك اوغيره
وتسقط بس
تسقط تاني وتسقط تالت
تسقط بس
تسقط لأنها حكومة نفس القتلة الذين فضوا الاعتصام ومن ايدهم عليه او كما قال الشاعر الثائر  يوسف الدوش نفس الزول
ه
نفس الزول الكاتل ولدك.
حاكم بلدك..
ه
نفس الزول القاتل ولدك..
شال لي روحو الفاتحه وقلدك..
حاكم بلدك..
(رمز سيادة)
شال من ايد الكوز (السوط والسلطه)
وجلدك..
نفس الكوز في وجه جديد
نفس الكلب في الرقبة (قلادة)
نفس كتائب الظل والغل
نفس جهاز الامن والخوف
هم بي أمرك (فضو قيادة)
وقامت ثورة..
وحصدت لجنة…!
فاخر عيش الوزراء الجونا..
بس في الغالب كعبة العجنة..
جائز تحكم غصباً أمه
وتقلب كل ايامه ضلمه
ويبقى مصيرك سقطة و(سجنه)
وقامت ثورة..
حصدت من ارواح اولادنا الطاهرة..
لمن زاد الغل في نفوسهم
رسمو الخرطة هناك في القاهرة..
سمو شيهدنا الباسل (شاذ)
وسمو البت مطلوقه وقاهرة..
دسو العيش والخير والجاز..
ونامت عين الشرطة  الساهرة..
وقامت ثورة..
والثورة مستمرة مادام هنالك شباب يفديها بالدم
ولا نامت اعين الجبناء…..
ه
ه
📌ابووضاح 📌
https://www.facebook.com/dababies