📌 دبابيس من صحف الاثنين 03 مايو 2021م

ه
ه
⚠ سؤال:
👈 مرض السرطان انتشر في الشمالية ولا وزراة الصحة الاتحادية ولا المحلية اشتغلت بالموضوع مات من مات واتعالج من اتعاج ، الآن يستشرى في الجزيرة بنفس الطريقة بتاعة الشمالية وينتشر بنفس الوتيرة ، أها الري شنو ، برضو نخليهو ياكل لما يشبع والا كيف؟؟؟ …..
ه
ه
⚠ القوات النظامية وتجارة المخدرات بوسط دارفور:
👈 ‏ زالنجي: سودان برس…. أكد اللواء شرطة عبدالعظيم عبد السلام مدير شرطة وسط دارفور ان الولاية تعاني من تدفق المخدرات من دول الجوار نسبة لانها تحدها دولتان.
وكشف في تصريح لسونا عن ضبط، أفراد القوات النظامية من الشرطة والجيش والدعم السريع وهم يمارسون تجارة المخدرات ووصفهم بالشواذ.
ولفت الى ان سجن زالنجي يضم اكثر من عشرين فردا من القوات المسلحة وهم يحاكمون الان بتهمة الإتجار بالمخدرات، مؤكدا ان قواته مع القوات المسلحة الأخرى لا تتواني في ملاحقة اي شخص يعمل في تجارة المخدرات دون استثناء مواطن او نظامي.
واشار الي أن أخطر انواع المخدرات هي الحبوب التي تأتي من دول الجوار وانها تعتبر من الموبقات التي تذهب العقل ،مشيرا إلى أنه بالرغم من التشديد المحكم والضوابط المشددة في مدخل بوابات الا ان الخارجين عن القانون يسلكون طرقا ليتفادوا مداخل المدينة.
وأكد مدير شرطة زالنجي انه لا نتهاون ولا مجاملة في هذا الأمر حتى مع قواتنا النظامية والكل يخضع للتفتيش بغض النظر عن رتبته…………
📌 والله انا من زمان شاكي انه الشغل بتاع دارفور دا شغل ناس مساطيل……
ه
ه
⚠ رئيس الوزراء البريطاني يواجه المزيد من الاتهامات بشأن شقته الجديدة:
👈 واجه رئيس الوزراء البريطاني، بوريس جونسون، اليوم الأحد، المزيد من الاتهامات المتعلقة بإنفاقه على تجديد شقته ورعاية ابنه الرضيع، وهي اتهامات وصفها وزير الخارجية بثرثرة لا أساس لها. وقال جونسون (بحسب الامارات نيوز) مراراً إنه تحمّل شخصياً تكاليف تجديد شقته في “داوننغ ستريت”، لكن اللجنة الانتخابية تقول إن لديها ما يدعو للاشتباه بارتكاب مخالفة في تمويل هذه التجديدات. وذكرت صحيفة “صنداي تايمز” أن التكلفة الإجمالية لأعمال التجديد بلغت حوالي 200 ألف جنيه إسترليني (276 ألف دولار) وأن أحد المتبرعين لحزب المحافظين سدد واحدة من الفواتير مباشرة، وهو تبرع كان يجب إبلاغ سلطات الضرائب به…….
📌 عليك الله شوف الكفار ولاد الكلب ديل ، نحن معتمد ابوحمد لي هسع ما قادرين نعرف عمارته ال في الخرطوم جاب قروشها من وين …..
ه
ه
📰 الوطن:
👈 استرداد عدد من العقارات والأراضي تتبع للمعزول وأسرته وقادة النظام
📌 عقارات المخلوع وأسرته عاملة زي النجيلة كلما يحشوها تقوم أكتر من الأول
ه
📰 الوطن:
👈 مناع :عودة النظام البائد عشم ابليس في الجنة.
📌 يا إخواننا ما كل مره تشبهو ناس النظام البائد بابليس ، راعو مشاعر ابليس شوية
ه
📰 الوطن:
👈 البرهان:”باقين عشرة” على شراكتنا مع قوى الحرية والتغيير.
📌 حرية شنو وتغيير منو الشراكة أصبحت بينكم وإبراهيم الشيخ والحركات
ه
📰 الوطن:
👈 الخارجية: تعنت اثيوبيا في ملف سد النهضة يضعها في خانة المعتدي.
📌 أوكي فرضنا انها في دور المعتدي أها ثم ماذا ؟
ه
📰 الوطن:
👈 مناوي :تعييني حاكماً بدارفور خطوة جادة لتنفيذ اتفاق جوبا.
📌 أها لكن سعادتك ما وريتنا حا تحكم من وين ؟ الخرطوم والا من برلين
ه
📰 النيل الدولية:
👈 البرهان: الفترة الانتقالية لا تحتمل التناحر بين قوى الثورة.
📌 قوى الثورة اتنحرت وانتهت الموجودين ديل هم الناس الواقفين فوق جسد الثورة
ه
📰 النيل الدولية:
👈 تعيين مناوي حاكماً لإقليم دارفور.
📌 بالهنا
ه
📰 النيل الدولية:
👈 لجنة التفكيك تسترد اراضي من قيادات نظام المخلوع وزوجته وتنهي خدمة ٥٦ قاضياً.
📌 خبر انهاء خدمة ال 56 قاضي أهم من عقارات الحرامية
ه
📰 النيل الدولية:
👈 الفكي: لجنة التفكيك تواصل أعمالها ولن نسمح بإفطارات المحلول.
📌 ونحن معاك يا معلم ، بل الزواحف
ه
📰 النيل الدولية:
👈 المرور تعلن بدء انطلاق أسبوع المرور العربي بالثلاثاء.
📌 هو الأسبوع دا في السودان بس والا شنو ؟
ه
📰 النيل الدولية:
👈 تشريح 53 جثمان مجهول الهوية بمشرحة (الأكاديمي).
📌 أوع يكون من قام بتشريحهم هو نفس الزول داك
ه
📰 الصيحة:
👈 اجتماع برئاسة حميدتي يشدد علي تنفيذ الترتيبات الأمنية
📌 كعععع ، خلي يجي واحد يمجمج
ه
📰 الصيحة:
👈 في جولة للصيحة بمشرحة مدني.. الجثث تتحلل مرة أخري ولاعزاء للموتي
📌 الموتى أصلا لا عزاء لهم ولكن من المؤسف أن يكون لا عزاء للمسؤولين
ه
📰 الصيحة:
👈 رسميا.. مناوي حاكما لإقليم دارفور
📌 سبحان الله يموت ديبي لصالح مناوي
ه
📰 الصيحة:
👈 حمدوك يوجه بخطة اسعافية لتوفير مياه الشرب بالخرطوم
📌 اسعافية دي يعني اسعاف سريع والا من سعف الدوم والنخيل ؟
ه
📰 الصيحة:
👈 المرور: تفويج المركبات للولايات يبدأ الأحد المقبل
📌 التذاكر بقت كم ؟
ه
📰 الصيحة:
👈 الدعم السريع للمتفلتين: ألزموا يمينكم نحن مابنلعب
📌 هيععع… والله نتفوكو تف ونمجغوكو مجغ ونقلعو موبايلاتكم
ه
📰 الصيحة:
👈 تخفيض المعاملات المرورية بنسبة 50%
📌 ناس المرور فلسوا والا شنو؟ عدم البنزبن والكورونا وقف مصالحهم
ه
📰 الصيحة:
👈 تأجيل محاكمة عوض الجاز في قضية فساد سكر مشكور
📌 أجلوها ، اجلوها ، لحدي ما يتحلس يلحق الاتلحسوا بدون محاكمات
ه
📰 الصيحة:
👈 الحرية والتغيير تطيح بوزراء ولاية سنار المكلفين
📌 الحرية والتغيير شاطرين في الإطاحة والغريبة بعد الإطاحة تلقاهم ما عارفين يعملوا شنو
ه
📰 الصيحة:
👈 إعادة ملف النقل النهري عقب وفاة المتهم الأول الزبير أحمد الحسن
📌 يعني الكوز هو حي خاذوق وهو ميت برضو خاذوق؟
ه
📰 الحراك السياسي:
👈 الكشف عن مخطط تفجيري ومحاولات لحرق 3 آبار بترول
📌 قال لكم الحاج وراق قبل عشرة سنين ، ليست عندنا تفجيرات لأن ناس التفجيرات هم الحاكمبن
ه
📰 الحراك السياسي:
👈 وزير الإستثمار يكشف للحراك خطة الحكومة لجذب الإستثمار الأجنبي بمؤتمر باريس
📌 الاستثمار تجذبه القوانين والحكومة المستقرة … نقطة سطر جديد
ه
📰 الحراك السياسي:
👈 شعبة المصدرين للحراك: عدم الالتزام بتحقين الماشية بفاكسين جنوب أفريقي وراء تجديد ارجاعها
📌 نجي نلقحها ليكم والا شنو ؟
ه
📰 الحراك السياسي:
👈 عرمان: البشير وطه وراء تكليف كرتي بأمانة الحركة الإسلامية
📌 كان راجل خليهو يجي يسيرها من الداخل
ه
📰 الحراك السياسي:
👈 وزير التجارة للحراك: دخول 8 شركات حكومية جديدة لمجال الاستيراد والتصدير
📌 بس لا يطلع في النهاية استيراد مواد تجميل
ه
📰 المواكب:
👈 وقف الانتشار الروسي بالبحر الأحمر
📌 هاااا وين ياااا انتو فاكرين دخول الحمام زي خروجه
ه
📰 المواكب:
👈 مصر تضع 4 خطط لتفادي خطر الملء الثاني لسد النهضة
📌 بالشفاء
ه
📰 أخبار اليوم:
👈 وكلاء الغاز في منبر (أخباراليوم) : المنتج متوفر والمشكلة في سوء الادارة.
📌 ديل عاوزين واحد فاطر يرد عليهم ، اللهم اني صايم
ه
📰 أخبار اليوم:
👈 نائب جبريل: نواجه مؤامرات حتى من داخل الحكومة.
📌 بركاتك يا شيخ جبريل ، دي كشفتها ليكم زيارة ام ضواً بان والا شنو
ه
📰 أخبار اليوم:
👈 شهادة مهمة لمعاوية البرير في محكمة احمد عباس.
📌 ومين يشهد للعروسة غير أمها
ه
📰 أخبار اليوم:
👈 تربية الخرطوم : الخميس آخر موعد للتقديم لامتحان شهادة الأساس.
📌 هم مساكين قرأوا شنو لحدي ما يمتحنوا
ه
📰 السودانيٰ:
👈 حمدوك يشيد بالدور الوطني لفريق التفاوض لرفع اسم السودان من قائمة الإرهاب.
📌 فرق كبير بينه وبين فريق الكيزان ال راح يقابض في النسوان في البارات والقطارات
ه
📰 السودانيٰ:
👈 حمدوك يوجه بالعمل فوراً في تنفيذ الخطة الإسعافية لمعالجة مشكلة المياه بولاية الخرطوم .
📌 مياه ولاية لخرطوم دي لازم تتنفض وتتبدل شبكة وناس
ه
📰 السودانيٰ:
👈 حاكم إقليم دارفور: أتمنى أن نعمل معاً بتعاون.
📌 والله انت الاتعينت جديد يلا ورينا نظامك
ه
📰 السودانيٰ:
👈 وزيرة الخارجية تصل كينشاسا في إطار جولتها الأفريقية.
📌 حصان عوض كندي تاني ما اظن ترجع
ه
📰 السودانيٰ:
👈 انطلاق الامتحان التجريبي لطلاب شهادة الأساس بالخرطوم في 4 مايو.
📌 أفرض في نص الامتحان الكهرباء قطت
ه
📰 السودانيٰ:
👈 لجنة إزالة التمكين تعلن إنهاء عمل المئات من الموظفين في عدد من الهيئات الحكومية .
📌 مع السلامة والقلب داعي لهم
ه
📰 السودانيٰ:
👈 مفوضية الأمم المتحدة: مليون لاجئ في السودان بحاجة إلى المساعدات.
📌 دا شاف شنو دا ، المليون لاجي ديل ممكن تلقاهم في حتة واحدة
ه
ه
📌ابووضاح 📌
https://www.facebook.com/dababies