📌 دبابيس من صحف الأحد 02 مايو 2021م

ه
ه
⚠ سؤال:
👈 ل الذين يقولون ان فلانا لم يحضر التشييع وفلان لم يشارك في الدفن هل نسيتم أنكم كنتم تمنعون الناس من دفن موتاهم ومن اقامة سرادق العزاء لهم ، هل لازلتم تعتقدون انكم شعب الله المختار؟؟؟…… تبا لكم حيثما حللتم (بصوت شيخ محمد مصطفى)
ه
ه
⚠ مطار الهجوم اقصد مطار الخرطوم:
👈 حقو بعد العلقة الاكلوها ناس المطار تاني يلزموا أي خطوط جوية أن تتأكد من حمل الراكب لوثيقة فحص كورونا سلبيه معتمدة قبل ان يركب الطيارة ، ماتقول لي مواطن والا أجنبي ، المواطن قليل الأدب ذاتو ما عاوزنو……
ه
ه
⚠ وا جبريلااااه:
👈 ‏ استغاثة تطلقها منظمة سقيا السودان…..
ومنظمة سقيا السودان التي نفذت أكثر من 400 مشروع خيري بعضها يضم أكثر8 آبار في المشروع الواحد ، وحفظت ماء وجه الحكومة في عدد من الوليات بطلب وعلم من الولاة وتحت اشرافهم هذه المنظمة تقف الآن مكتوفة الأيدي أمام تعنت موظفي الدوائر الحكومية في مسألة إعفاء جمركي لتخليص الحفار الخاص بالمنظمة الذي يقبع الآن بميناء بورتسودان والذي اضطرت المنظمة الى جلبة بعد أن غالى عليها المقاولن في الحفر حتى بلغ الحفر في بعض المناطق 25الف دولار…..
المنظمة توجه النداء الى دكتور جبريل وزير المالية والعارف بقضايا المهمشين (أو هكذا يفترض) وذلك للنظر في أمر الإعفاء الجمركي خصوصا وأن هذا الحفار ذاهب للعمل في قلب المنطقة التي انطلقت منها حركة جبريل واخواتها………..
📌 (طريقك دائما فارشو ورد وطريقي دايما فارشو شوك). أنا شخصيا أرى أن امامكم (يا ناس سقيا) طريقين والمكذبني من ناس الحكومة فليثبت عكس ذلك ….
الأول : أنكم تمشوا اموركم مع (ناس حقنا وين) والله اوراقكم تخلص في اقل من 72 ساعة
التاني : تفتشوا واسطة تدخلكم على جبريل ودي محفوفة بمخاطر لجنة التمكين وشيل الحال في الوسائط
ه
ه
⚠ ملك المخدرات اللبناني سوداني الجنسية:
👈 تصدر اسم حسن محمد دقو المشهد اللبناني مرفقا بلقب “ملك الكبتاغون” بشكل مفاجىء، بعد توقيفه على ذمة التحقيق في تهريب المخدرات إلى السعودية واليونان وغيرهما من الدول.
وأكدت السلطات اللبنانية ان حسن دقو الشهير بملك الكبتاجون يحمل الحنسيتين اللبنانية والسورية بالإضافة لامتلاكه للجواز السوداني أيضا.
وكانت الخارجية اللبنانية قد خاطبت السفارة السودانية في بيروت حول الالية التي منح بها حسن دقو الجنسية السودانية والجواز أيضا ، وتشير أنباء ان دقو من اكبر مهربي الحشيش إلى السودان ومصر .
وذكرت مصادر ان دقو لديه الكثير من الاستثمارات في السودان منها مطاعم ومحال حلاقه ويتملك العديد من الشقق السكنية في العاصمة السودانية الخرطوم يديرها أشخاص سوريين تستخدم لغيسل أموال المخدرات ليعاد إرسال الأموال إلى لبنان بصورة قانونيه…؟؟……
📌 تخنقك العبرة عندما تتذكر ان الوقت الذي كنت تتمنى فيه مجرد تجديد جوازك هو ذات الوقت الذي تمنح في الجنسية والجواز لأمثال هذا المجرم …..
ه
ه
📰 الوطن:
👈 مناوي يكشف عن تحالف سياسي جديد.
📌 أووو الفوهرر مناوي يعود للتصريحات
ه
📰 الوطن:
👈 الحزب الشيوعي يتوقع فشل مؤتمر باريس.
📌 فالكم في سروالكم
ه
📰 الوطن:
👈 أبي أحمد:الملء الثاني لسد النهضة في يوليو.
📌 يازول املأ والكاين يكون ، حا يحصل لنا شنو أسوأ من كدا يعني
ه
📰 الوطن:
👈 بعد تسريبات إلغاء القاعدة.. السودان يستقبل بارجة روسية
📌 يعني ما بارجة اقصد مافارقة معاهم التسريبات
ه
📰 التيار:
👈 مدير الجوازات للتيار: سحب جنسية سودانيين من أصول أجنبيه
📌 بعد خراب مالطا
ه
📰 التيار:
👈 رسميا… إعلان حالة الطواريء الصحية بشمال كردفان
📌 ان شاءاالله ينصلح الحال بعد دا
ه
📰 المواكب:
👈 إتفاق سري بين الخرطوم وتل أبيب
📌 سري لي شنو تاني ؟ داسنو (على قول المنصورة) من منو؟
ه
📰 المواكب:
👈 تحذيرات من إنفجار الوضع الأمني في دارفور
📌 انفجار المنفجرما حبابو
ه
📰 المواكب:
👈 قيادي بالحرية والتغيير : المصادقة على إتفاقية سيداو إنتصار للمرأة
📌 يعني شنو امرأة حرة وواقفه في صف ويخطفوا منها تلفونها ، انتصار المرأة في انعدام الصفوف واستتباب الأمن
ه
📰 المواكب:
👈 ضبط اجنبي ينشط في تزوير و توزيع العملة الوطنية
📌 والله ياخي زمان الأجانب مالين البلد حبش وتشاديين ومن الكونغو ونيجيربا ، عمرنا ما سمعنا بي اجنبي اتهم في قضية تزوير والا تجارة مخدرات ، لذلك حددوا الأجنبي دا من وين
ه
📰 المواكب:
👈 إثيوبيا تنتظر يوليو للبدء الثاني في ملئ سد النهضة
📌 الزارعنا غير الله ال يجي يقلعنا
ه
📰 المواكب:
👈 حمدوك : أهداف التغيير المنشودة أن يكون السودانيون موحدين بجميع اديانهم
📌 السودانيين ديل ممكن يكونوا متوحدين (عندهم توحد) لكن ما أظن يكونوا موحدين ولا متحدين
ه
📰 الصيحة:
👈 حميدتي يوجه الدعم السريع بعدم الاقتراب من معاقل عبد الواحد
📌 بادرة حسن نية والا نظام عاوز ترجع وراء وتجيهو كاشي
ه
📰 الصيحة:
👈 حمدوك يطالب الطرق الصوفية بالمحافظة علي الإسلام
📌 شوف شغلك انت وظبطو وخلي الإسلام له رب يحميه
ه
📰 الصيحة:
👈 الثروة الحيوانية تطرح أكبر مشروع لصادر اللحوم خلال مؤتمر باريس
📌 الله يستر
ه
📰 الصيحة:
👈 القبض علي نظاميين متورطين في نهب مقر ليوناميد بنيالا
📌 كدي كمان شوفوا لنا المتورطين في النهب في شارع الهواء وامدرمان والحاج يوسف
ه
📰 الصيحة:
👈 إعلان الطوارئ الصحية ومنع صلاة التهجد والاحتفالات بشمال كردفان
📌 انتو ما تعملوا معروف وتلغوا لهم الصيام
ه
📰 الصيحة:
👈 قوات العدل والمساواة تصل الخرطوم
📌 الخرطوم يتاعة أبو منو
ه
📰 الحراك السياسي:
👈 السلطات السعودية تعيد مجددا شحنة من صادر الماشية
📌 الاضينة دقو واعتذر له
ه
📰 الحراك السياسي:
👈 تفشي السرطان بالجزيرة ومديرة مستشفى الذرة تشكو للحراك من تكدس المرأة ونقص الدواء
📌 في الوقت الحالي ما عندنا غير دواء وزير الصحة الأسبق (أبو قردة )
ه
📰 الحراك السياسي:
👈 4 حركات مسلحة تفتح مراكز للتجنيد غير مشروعة بمحليتي كأس وشطايا
📌 ممكن الواحد ياخد رتبة اللواء من حركة وياخد الأركان حرب من الحركات التانية ؟؟
ه
📰 الحراك السياسي:
👈 شركة مطار الخرطوم تفرض غرامة 1. 5 مليون دولار علي شركة الخطوط الإفريقية
📌 وشركة عارف سوت عليها شنو؟
ه
📰 الحراك السياسي:
👈 رئيس حزب الأمة للحراك : مؤتمرات سابقة حسمت علاقة الدين بالدولة ولاداعي للخوض في المسائل الخلافية
📌 ينصر دينك يا أستاذ نفيسا…….
ه
📰 الحراك السياسي:
👈 قلواك للحراك: المفاوضات بين الحكومة والحلو ستبدأ في الرابع والعشرين من مايو الجاري
📌 خلوها 25 مايو عشان نغني ليها يا مايو حبيب
ه
📰 أخبار اليوم:
👈 مؤسسة شبابية تدشن خلال ايام مستشفي خطوة لعلاج سرطان الاطفال مجانا.
📌 جزاكم الله خيرا وربنا يبعد عنكم ناس حقنا وين
ه
📰 أخبار اليوم:
👈 كمال بولاد لاخبار اليوم : الاجهزة الامنية تتحمل مسؤؤلية معالجة الانفلاتات.
📌 يازول مرات الانفلاتات دي قاعدة تصدر من جهات ممكن تكسر الأجهزة الأمنية في جلدها
ه
📰 أخبار اليوم:
👈 حمدوك يزور خلاوي ومسيد الشيخ الياقوت.
📌 كدا في حسابات عبد الحي اصبح حمدوك الى جانب انه دهري لا يعظم شعير أصبح مشرك باعتبار الصوفية عند عبدالحي من المشركين
ه
📰 أخبار اليوم:
👈 السعودية تعيد باخرة تحمل 7228 رأس من الضأن و114 رأس من الجمال.
📌 طيب بما انه الجمال كانت بعدد سور القرآن (114 ) واكراما للشهر الكريم دا كان تجاملونا فيه شوية
ه
📰 السودانيٰ:
👈 فتح باب التقديم لمشرفي الحج بالجزيرة.
📌 السنة دي أمير الحج بتاع نهر النيل ال كان بي يسوق اخوهو معاهو كل سنة داك ياربي يكون شكله عامل زي شنو
ه
📰 السودانيٰ:
👈 الزكاة بمحلية بارا تنفذ برنامج رمضان بكلفة 23 مليون جنيه
📌 عيني عليك باردة.. يا السمحة يا الوارده ، يا فقرا ردولي رويحتي الهناك شارده

ه
ه
📌ابووضاح 📌
https://www.facebook.com/dababies