شــــــــوكــة حـــــــــوت كبيـرنا مـات يـا ناس

ياسرمحمدمحمود البشر

الليلة وين جدى محمود
دود كبد البفرج نار همومي وشرى
سابل عرض وافر وحاشا مو متعرى
فوق ضيفانو طرباناً بتيتل شنق
رحل العندو لي كل ود فراش تقدير
ماصع دايما طول ليلو ونهارو هدير
رحل الجودو مابتحاكا دربو مزالق
رحل الببسط الدعجا الوضيبها كلالق
رحل البدفر الوتر جاهو مشالق
رحل الكفو ذى سيل المطور الدالق
محمود أخوى الليلة
رحل الفي المحول بدي الضعاف بالاردب
رحل المن حمول الغير مكرك سردب
بِدفع دايما مابهم من غناهو وفقرو
عارف كل حياً بندمر في قبرو
رجلو تقيلة في كبد المحاصات حارنة
جدى جبارة العامة البراشي عمارنا
الطامة البتاخد سيدا كم لازمها
حدود السمتا نجض كيتا ووسمها
رحل المونتو في سنين المحول قسمها
جدى محمود فرقو جرح كبدتي وسممها
رحل البفرج الكربة ويفك الضيمة
رحل العندو في كل المجالات قيمة
رحل الدارو لليتامى والمساكين تاية
رحل الليدو سارية السما الدوداى
جدى محمود البشر
الموت اصلو حقاً واجباً مفروض
محور فراقك اتواتانا كى ونجوض
اللاقانا كلو يعج تقول معضوض
فراقك في الضمير فتق جروحو وخزن
بلدك كلو فاقدك مرخ وسمر وقوزن
نــــــــــص شــــــــوكة

اياك فارس الخودة البركز الصف
غير الطيبات بشينه ماأتوصف
اصلو الدنيا متى ماتدور بتخطف كف
كان ببقالى في كفنك معاك بلَف
يابركة برا ويس وسورة العصر
تدخل الجنة لوج عالى وسكونك قصر
ربــــــــع شــــــــوكــة

عفوا يوسف البنا لم أجد أصدق من كلماتك لأرثى بها جدى محمود البشر.

yassir.mahmoud71@gmail.com