📌 دبابيس من صحف الأحد 18 ابريل 2021م

ه
ه
⚠ سؤال:
👈 يا قوم هل من أخبار عن أهل الأخدود أقصد الخندق وماذا فعل الله بهم؟…..
ه
ه
⚠ أخبار كورونا:
👈 الخرطوم:كوش نيوز….. قال نائب مدير الإدارة العامة للطواريء والأوبئة بوزارة الصحة منتصر محمد عثمان، إن جائحة “كورونا” تنتشر بولايات السودان الشرقية “القضارف، البحر الأحمر وكسلا”، إلى جانب تفشِّيها بولايات “نهر النيل، شمال دارفور وجزء من شمال كردفان”. وأبان في تصريحات صحفية بحسب صحيفة الصيحة، أنّ السودان خلال الـ24 ساعة السابقة سجل 142 حالة مُشتبهة، 42 منها مُؤكّدة و6 وفيات، وأوضح أنّ عدد الحالات الكلي بالسودان بلغ أكثر من 31 ألف حالة و2200 حالة وفاة……
ه
ه
⚠ بنك السودان المركزي يرفع السعر التأشيري للدولار:
👈 الخرطوم (كوش نيوز): أعلن بنك السودان المركزي السعر التأشيري للدولار الأمريكي ليوم الجمعة 16 أبريل 2021 م، وجاء السعر 381.59250 جنيه للدولار وهو أعلى من سعر الخميس الذي بلغ 381.57000 جنيه، وسمح البنك المركزي بنطاق التحرك للبنوك والصرافات في حدود 5% كزيادة أو نقصان من السعر التأشيري. ……..
📌 السعر التأشير دا حقو تركبوا له حزام يثبته شويه بدل ترفعوه كل يوم شوية قرب يبقى كرفته ……
ه
ه
⚠ “العدل والمساواة” تحذر من الصراع التشادي:
👈 الخرطوم : كوش نيوز: دعا القيادي بحركة العدل والمساواة السودانية وعضو الجبهة الثورية عمر بخيت إلى ضرورة الحذر والانتباه لما يدور من صراعات في دولة تشاد لتأثيره المباشرة على الحدود السودانية المتاخمة لولايات دارفور. وأوضح بخيت بحسب صحيفة السوداني الدولية، أن مخاطر النزوح واللجوء ستكون وخيمة خاصة أن هنالك أعداداً كبيرة من السودانيين الذين نزحوا إلى تشاد، لذا تكون النتيجة كارثية إذا حدث نزوح عكسي وتأثيره الواضح على الاستقرار والأمن. وأضاف أن التوترات الإقليمية لها نتائج سالبة على دول الجوار، داعياً الحكومة وشركاء السلام إلى ضرورة احتواء الموقف في وقت مبكر تحسباً لأي انفلات لأن الوضع سيكون معقداً…….
📌 عليكم الله الجغرافيا دي كسبت فينا خير؟ هسع موقع السودان دا وسط جيران والا في نص فرن…
ه
ه
📰 الوطن:
👈 وزيرة الخارجية :التطبيع مع إسرائيل يتطلب موافقة جميع السودانيين
📌 انا غايتو عن نفسي موافق
ه
📰 الوطن:
👈 الصحة تكشف عن انتشار فيروس كورونا في “6” ولايات
📌 الله في
ه
📰 الوطن:
👈 حمدوك :ناقشنا عدة خيارات للتعامل مع المحكمة الجنائية الدولية
📌 ياخي نقاشكم ال لبسنا خاذوق العساكر دا خلينا منه سلم المجرمين بدون نقاش ولو عاوزين مقابل كل واحد اتنين زيادة أدوهم
ه
📰 الوطن:
👈 الثروة الحيوانية تنفي اهداء لحوم للأردن
📌 نحن ذاتنا ما صدقناه
ه
📰 التيار:
👈 (التيار) تنشر تفاصيل دقيقة لجلسات مؤتمر باريس
📌 هو انعقد والا لسع ؟ والله ما عندنا خبر
ه
📰 التيار:
👈 الخارجية توجه بعثاتها لحصر السجناء السودانيين بالخارج
📌 أحسن …. نلم لحمنا علينا
ه
📰 التيار:
👈 مداهمة إفطار للإسلاميين و توقيف ضباط في الجيش والشرطة و المخابرات
📌 دي اسمها حرصت بعدما ظرطت ، مامفروض الحكومة ترخي ليهم لحدي ما يسرحوا ويمرحوا والإسلاميين كانت في يدينهم فرطوا فيها مافي داعي يفتشوا فيها بالافطارات….
ه
📰 الصيحة:
👈 السودان يخاطب مجلس الأمن بشأن سد النهضة
📌 مفرض المخاطبة تكون بشأن سد النهضة وحلايب
ه
📰 الصيحة:
👈 عرمان للإسلاميين: ادفنوا جثة الوطني وابحثوا عن رؤية جديدة
📌 يدفنوهو كيف هم مشغلنو عبوب (بو) عشان يحلبوا بيهو حق الشاي من قطر وتركيا
ه
📰 الصيحة:
👈 اب يقتل أبنائه الثلاثة بشمال دارفور
📌 نسأل الله السلامة
ه
📰 الصيحة:
👈 الوساطة تطالب بالإسراع في تكوين لجنة مراقبة اتفاقية السلام
📌 ننتظر أركو مناوي لحدي ما يرجع من رمضانيا أقصد من المانيا
ه
📰 الصيحة:
👈 الحرية والتغيير : الثورية طلبت منصب رئيس التشريعي
📌 طيب فيها شنو ؟ هو التشريعي كله على بعضه بعد كدا بقى زي العقد بعد الحمل
ه
📰 الصيحة:
👈 الخارجية تبدأ إجراءات لمعالجة أوضاع السجناء السودانيين بالخارج
📌 أحسن من قعاد ساكت
ه
📰 الصيحة:
👈 توقف تام لمستشفيات النهود بسبب إضراب الأطباء
📌 يمكن عشان السخانة
ه
📰 الصيحة:
👈 لجنة التفكيك توقف عددا من عناصر النظام البائد أقاموا افطارا جماعيا
📌 لو مكانهم كل يوم اعمل إفطار في حته ألففكم البلد كعب داير
ه
📰 الحراك السياسي:
👈 رئيس حزب الأمة للحراك: كورونا قد تكون وسيلة لاستهدافنا
📌 التزموا باجراءات السلامة وأمسكوا كراعكم وخشمكم مابتجيكم عوجة
ه
📰 الحراك السياسي:
👈 قيادي بالتغيير للحراك: الأجهزة الأمنية تتماهي مع الفلول ويجب محاسبة من سمح بقيام إفطار قيادات الحزب المحلول
📌 ودا نعتبره ليكم نبوغ متأخر والا شنو
ه
📰 الحراك السياسي:
👈 إزالة التمكين بالجزيرة تحجز أصولا منقولة لشركة إنجاز المملوكة لأحمد البشير
📌 هم آل البشير ديل لي هسع يستمتعون بخلاقهم ؟
ه
📰 المواكب:
👈 إحباط مخطط تخريبي تقوده خلية إرهابية عسكرية
📌 يا لهوي…… اوع تكون بقيادة ود ابراهييم ؟
ه
📰 المواكب:
👈 منحة للمعاشيين بمناسبة عيد الفطر
📌 كم؟
ه
📰 المواكب:
👈 تدهور حزام الصمغ العربي بسبب القطع الجائر في شمال كردفان
📌 الحزام دا لو اتقطع نحن بي نبقى أمفكو تاني الا نقعد في الواطة مابنقدر نقيف
ه
📰 النيل الدولية:
👈 السودان: لم نفكر في ضرب سد النهضة ولا نتفق مع منطق الحرب
📌 ديل ما نحن يافندي ديل ناس فصل ست فوزيه
ه
📰 النيل الدولية:
👈 حمدوك يتفقد منشآت علاجية ودوائية اليوم
📌 في ميزان حسناته ان شاءالله
ه
📰 أخبار اليوم:
👈 مركزية المختبرات الطبية تدخل في إضراب شامل عن العمل.
📌 المختبرات ديل حاولوا راضوهم خلوا الكورونا دي تعدي على خير
ه
📰 أخبار اليوم:
👈 لجنة التحقيق في فض اعتصام القيادة العامة تعتزم استجواب البرهان وحميدتي.
📌 لحلوح اللوح مليح قول لع…. لع.. مليح
ه
📰 أخبار اليوم:
👈 لجنة التفكيك تتخذ اجراءات قانونية ضد عناصر النظام السابق.
📌 أهو برضو شغل
ه
📰 السوداني:
👈 السعودية ترفع الحظر عن صادر الماشية السودانية بشكل دائم
📌 لو بي ايدي ما اديكم ليه الا نجيض وفي أحسن الأحوال نص استوى
ه
📰 السوداني:
👈 اتفاق مع مصر لتحديث أسطول الطيران السوداني
📌 عيان هناي في ميت
ه
📰 السوداني:
👈 زيادة مرتبات عمال النظافة بالجزيرة بنسبة (100%)
📌 ان شاءالله تجيب مريسة تام زين
ه
📰 السوداني:
👈 (الدعم السريع) تضبط مخدرات بقيمة (5 ) ملايين جنيه بغرب دارفور
📌 أها ودوها وين المخدرات ، عشان نعرف المرة الجاية حا تتقبض وين وكدا
ه
📰 السوداني:
👈 تجمع الأطباء بأمريكا ينشئ محطة أوكسجين بمستشفى نيالا
📌 جزاكم الله خير وكتر من امثالكم
ه
📰 السوداني:
👈 تصدير أكثر من (307 ) ًألفا من الماشية خلال شهر
📌 خسارة كبيرة….
ه
ه
📌ابووضاح 📌
https://www.facebook.com/dababies