دبابيس من صحف الثلاثاء 03 أغسطس 2021م
ه
ه
⚠ *سؤال* :
👈 الحكمة شنو في أن كل الحكومات التي تتعاقب على حكم السودان حاقدة على المغتربين؟؟؟…..
عمرنا ما سمعنا بقرار يتم تطبيقه بأثر رجعي الا قرار الدولار الجمركي الذي صدر بعد دخول عربات المغتربين الى الميناء فتم تطبيقه عليها لترتفع جمارك بعض العربات من 884 لما يزيد عن ال 5 مليار جنيه خبط لزق مع انه سيارات (بوكو حرام) تم اعطاءهم مهلة ثلاثة شهور….
ه
ه
⚠ *لعناية لجنة تفكيك النظام البائد ومحاربة الفساد* :
👈 هل أتاكم نبأ جزيرة ( *مقرسم* ) والا نحكيهو ليكم؟؟؟…..
ه
ه
⚠ *خبر وتعليق* :
👈 الخبر: حمل عدد من صحف اليوم خبراً عن تفاصيل زيارة ”محمد عباس الفادني” إلى إسرائيل والتي تمت بهدوء في مارس من العام الماضي……
📌 التعليق: لو كان (الفادني) من أي حزب آخر لكان هذا الخبر اليوم مصدر احتفاء بشماتة وتنطع بين أوساط الزواحف ولجعل منه صبغة تصبغ بها أوجه اتباع حزبه والأحزاب المجاورة ولما خلت صفحة من الفيسبوك او الواتساب من كوز ناسخ لاصق لهذا الخبر مصحوبا بتعليقات من النوع الذي اقل ما يقال عن انه يبطل الوضوء ، لكن لأن الخبر يخص الشاب الفادني وهو واحد من شباب الإسلاميين وتحديدا من حزب المؤتمر الشعبي الذي هو أحد أحزاب شعب الله المختار فليمر الخبر من دون أي تعليقات حتى لا يشتهر بين الناس وحتى ينتهي بالتقادم….
ه
ه
⚠ *ضبط مليون و800 ألف ريال وأكثر من 19 ألف دولار* :
👈 متابعات الراكوبة:….. تم فجر هذا اليوم ضبط مبلغ مليون وثمانمائة ألف ريال ومائة وتسعة عشر ألف وخمسمائة دولار بواسطة إستخبارات جمارك مطار الخرطوم بصالة المغادرة 2 بصحبة عمر رحمة الله الطيب الحاج المغادرة إلى الامارات بطيران العربية الشارقة…….
📌 كل التحية والتقدير لإستخبارات جمارك المطار ، لكن زي ديل يمرقن من جيب العدو في الصيف دا……
ه
ه
📰 الوطن:
👈 عمر الدقير يشدد على فصل الدين عن الدولة
📌 دا عاوز يغيظ حسين خوجلي بس
ه
📰 الوطن:
👈 المحكمة تأمر بالقبض على المتحري في قضية الشهيد محجوب التاج
📌 أكيد دغمس في التحري
ه
📰 الوطن:
👈 الحزب الشيوعي : تعقيدات تعيين الولاة بسبب المحاصصات
📌 المتحاصصين ديل في زول منهم اخد رأي مواطنين الولايات ؟
ه
📰 التيار:
👈 تلف تقاوي قمح بمشروع حلفا الزراعي إستوردها المتعافي
📌 المتعافي ذاتو بي يكون استوردها تالفة
ه
📰 التيار:
👈 قيادي بالحرية و التغيير ل(التيار) : لم نتفق على معايير تعيين الولاة
📌 والله قريتها معايير الولادة
ه
📰 الصيحة:
👈 الدقير لـ”الصيحة”: هناك انقسامات داخل الحرية والتغيير نعمل لمعالجتها
📌 ما اظن عندها علاج غير الكي بالنار
ه
📰 الصيحة:
👈 الخارجية تجري أكبر تنقلات للسفراء
📌 السفير القاتل خبره شنو؟
ه
📰 اليوم التالي:
👈 خلافات تؤجل وصول السفير الأمريكي للسودان
📌 خلافات شنو كمان مع امريكا نحن (راقدين) قنا
ه
📰 اليوم التالي:
👈 السعودية ترجع باخرة مواشي تحمل ”8″ آلاف رأس
📌 نحن ذاتنا خرمانين للبواخر ال بي ترجع دي
ه
📰 اليوم التالي:
👈 التربية بالخرطوم تسلّم شهادة الأساس لوالي الولاية
📌 الله يستر ما تقع منه في حفرة من حفر شوارع ولايته
ه
📰 الحداثة:
👈 النيابة العامة تستدعي رئيس ومدير تحرير ”الحداثة” في قضية نشر
📌 اوع يكون بلاغ من نفس الزول ؟
ه
📰 الحداثة:
👈 قتيل و12 جريحًا في هجوم مليشيات على منطقة ”قلاب” بشمال دارفور
📌 لعناية حاكم عام اقليم دارفور
ه
📰 الحداثة:
👈 وقفات احتجاجية بالخرطوم ودنقلا للمطالبة بصيانة طريق ”شريان الشمال”
📌 الطريق مسكين هرسته بكاسي التهريب
ه
📰 الحداثة:
👈 شكاوى من عقبات تواجه عملية الريّ بمشروع الجزيرة
📌 المشروع دا لولوتو كتيره عشان كدا ناس الانقاذ فرتكوهو ، ما عندهم اخلاق ل اللولوة
ه
📰 السوداني:
👈 تفاصيل اقتحام حقول هجليج وإيقاف ضخ النفط من قبل محتجين
📌 يوم ربنا يعفانا من المتمردين يظهروا المحتجين ، بلد زي مريض الايدز
ه
📰 السوداني:
👈 السودان يتجه امتلاك عقارات ومقرات للسفارات بالخارج
📌 كان عندنا املاك لكن اتلحست
ه
📰 السوداني:
👈 دقلو : السودان عانى من عزلة دولية طويلة
📌 العزلة دي الكيزان كانوا مفهمين الناس انها خلوة للتامل والتعبد
ه
📰 السوداني:
👈 اجتماع بالقصر لمعايير اختيار والي وسط دارفور
📌 تحسسونا انكم زي العاوزين تشتروا شبكة لي عروس
ه
📰 السوداني:
👈 الدقير يكشف عن مراجعة استراتيجية حزب المؤتمر السوداني
📌 لو ما غيرتوا اسم (المؤتمر) دا اصلو ما حاتكون فيه بركة
ه
📰 السوداني:
👈 د. حمدوك يشيد بدور الثقافة والمبدعين في مقاومة الديكتاتوريات
📌 والله الدور القاموا به التلاميذ وطلبة الجامعات والنساء كان اكبر
ه
📰 السوداني:
👈 تعاون سوداني أميركي في مجال تكنولوجيا الاتصالات والمعلومات
📌 التعاون دا لما يكون في تكافؤ لكن نحن متلقيين وعطشانين وميتين جوع كمان
ه
ه
📌ابووضاح 📌
https://www.facebook.com/dababies
