📌 دبابيس من صحف الأربعاء 05 مايو 2021م

ه
ه
⚠ هل تعلم:
👈 هل تعلم أن السوداني الوحيد الذي يستطيع أن يقول انه داس الكيزان وهزمهم في ملعبهم وغلبهم عشرة صايمة هو الفريق طه عثمان الحسين ؟؟؟ أنا شخصيا مبسوط منه أكتر من بسطة الشريف من ندى القلعة…..
ه
ه
⚠ وعود من سويسرا بدعم مؤتمر الحكم اللامركزي في السودان:
👈 ‏ الخرطوم: النورس نيوز… بحث عضو مجلس السيادة الانتقالي محمد حسن التعايشي مع السفير السويسري لدى السودان كرستيان وينتر أهمية تطوير العلاقات الثنائية و تعزيز التعاون المشترك بين البلدين .
و أشاد التعايشي لدى لقائه وينتر اليوم “الثلاثاء” بمواقف سويسرا الداعمة لحكومة الفترة الإنتقالية و إسهاماتها في المجالات الإنسانية و عودة النازحين و اللاجئين و دعم مؤتمر نظام الحكم في السودان …….
📌 انتو لو عاوزين تساعدونا بس لقطوا معانا القروش الهربوها الكيزان الى الخارج ….
ه
ه
⚠ انفصال الجنوب كان بسبب التناول الخاطئ لـ (العلمانية):
👈 الخرطوم: سودان لايت….. انتقد النائب الأول لرئيس مجلس السيادة، الفريق أول محمد حمدان دقلو، الدعوات المناهضة لاتفاق المبادئ الذي أقر العلمانية لمآرب وأجندة سياسية من خلال التدثر بثوب الدين.
وطالب حميدتي خلال حديثه في إفطار دعت له المبادرة الشعبية لحراسة الثورة في صالة دينار بالخرطوم التي تقودها قيادات دينية ورجالات إدارة أهلية، طالب بضرورة قيادة حملة لشرح العلمانية للناس بدلاً من الانتقاد الذي يمكن أن يقود البلاد إلى التشظي.
وقال إن انفصال جنوب السودان كان بسبب التناول الخاطئ لموضوع العلمانية، وأضاف (الآن يمكن أن يقود التناول السالب إلى خلافات تعيق استقرار البلاد). وتابع (للسلام ثمن ويجب علينا جميعاً أن ندفع هذا الثمن حفاظاً على بلادنا)……..
📌 خلي تاني (يا قول تراجي( يجي ود مقنعة يقول الحكومة راسها معطوب والا على راسها علماني ….
بت الكلب يا الباسطا………
ه
ه
📰 الوطن:
👈 تفاصيل زيارة أفورقي والمباحثات السودانية الأرترية
📌 لا أثق فيه ابداً
ه
📰 الوطن:
👈 أحمد هارون يرفض الحديث للنيابة ويعلن إستعداده الذهاب للاهاي.
📌 دا عاوز يرطب ويتعلم لغات ، شكله عنده أخبار من كوشيب
ه
📰 الوطن:
👈 وزير المالية :لم نتسلم مستردات لجنة إزالة التمكين.
📌 عليكم الله خلونا صايمين ما تبوظوا صيامنا
ه
📰 الوطن:
👈 سقوط 80% من الممتحنين لمهنة المعادلة.
📌 دا ياهو السبب ذاااااتو المطلع ميتين العدالة
ه
📰 المواكب:
👈 استقالة النائب العام بعد احتدام الخلافات مع إزالة التمكين
📌 خود الباب في ايدك وانت طالع
ه
📰 المواكب:
👈 حمدوك وافورقي يؤكدان أهمية الحوار بين دول الإقليم
📌 سوبوغ
ه
📰 المواكب:
👈 رئيس يونتامس يتوجه الي جوبا قبل جولة المفاوضات بين الحكومة والحلو
📌 كعععع عاوز يتأكد من الأرض محروثة ومشرقة قبل رمي التيراب
ه
📰 المواكب:
👈 إثيوبيا: التصريحات السودانية العدائية مازالت مستمرة
📌 ما تاخدوش في بالكم دي للاستهلاك المحلي وشبه المحلي
ه
📰 المواكب:
👈 أمريكا تعلن خطوة تجاه السودان ومصر وارتريا وإثيوبيا
📌 والله نحن ال يجينا خطوة نجيه عشرة
ه
📰 المواكب:
👈 الفكي: علينا التمسك بثورة ديسمبر وتحقيق العدالة للجميع خاصة الشهداء
📌 من كان قبلكم قالوا لنا تمسكوا بالاستغفار ، وخلنا نستغفر ودقشوا السوق وحدس ما حدس ، أها انتو ناويين على شنو بالصلاة على النبي
ه
📰 الحراك السياسي:
👈 وزير للحراك: نزع 168 مشروعا استثماريا للفلول ب4 ولايات
📌 انزعوا ميتينها ذاتو
ه
📰 الحراك السياسي:
👈 هبة للحراك: 80% من موارد الدولة تذهب لسداد المرتبات ويجب ضبط السوق
📌 كنا فين وبقينا فين ؟ زمان 20% رواتب وال 80% مافي زول عارفها بي تمشي وين
ه
📰 الحراك السياسي:
👈 برمة للحراك : وفاة الإمام غالبا طبيعية ونتائج التحقيق قريبا
📌 كمان الامام بيموت؟ هو في ناس لي هسع مصدقين انه الامام الهادي ما مات
ه
📰 الحراك السياسي:
👈 القوات المشتركة: نحكم سيطرتنا علي الحدود التشادية السودانية
📌 بلد زي صاج السمك تمسكها من أطرافها تجلبغ من النص تركز على النص تجلبغ من الاطراف
ه
📰 الحراك السياسي:
👈 مسؤول: متربصون ينتمون لحركات غير موقعة علي إتفاق السلام وراء تأجيج الصراع بالجنينة
📌 قول والله
ه
📰 الحراك السياسي:
👈 قيادي بالتغيير يدعو لإنهاء عبث الفلول بابعادهم من مؤسسات الدولة
📌 كيييييف ؟
ه
📰 الصيحة:
👈 البرهان لوفد الكونغرس الأمريكي : نركز علي حل سد النهضة بالحوار
📌 الحوار والجبنة
ه
📰 الصيحة:
👈 وزير المالية: الإصلاح الاقتصادي يحتاج الي وقت
📌 اومال انت قايل الناس ال قبلك ديل فاتو ليه
ه
📰 النيل الدولية:
👈 وفد الكونغرس: رفع إسم السودان من قائمة الإرهاب يعزز العلاقات بين الخرطوم وواشنطن.
📌 ياخي تعزيز شنو ، علاقات الجن دي مفروض لي هسع تكون يا ولدت يا في التاسع…
ه
📰 النيل الدولية:
👈 السودان وأريتريا يؤكدان ضرورة تعزيز العلاقات الثنائية.
📌 للأسف اريتريا ما شغالة بحكاية العلاقات دي كتير ، تهمهم مصلحتهم بس
ه
📰 النيل الدولية:
👈 الطيران المدني يعلن تخفيض اسعار تذاكر السفر الداخلي.
📌 هو في ناس بسافروا الأيام دي؟
ه
📰 النيل الدولية:
👈 السودان يعلّق العمل باتفاق مع روسيا حول قاعدة بحرية عسكرية.
📌 وهل يصلح التعليق ما أفسده العواليق
ه
📰 النيل الدولية:
👈 تربية الخرطوم:هدوء الأحوال باليوم الأول للامتحان التجريبي للاساس.
📌 ان شاء الله يستمر على طول
ه
📰 أخبار اليوم:
👈 ردود فعل واسعة لحادثة السرقة عبر التطبيق الالكتروني البنكي.
📌 نطالب بنشر التفاصيل بالكامل حتى يستفيد منها الناس
ه
📰 أخبار اليوم:
👈 إحالة مسؤولين بوزارة المالية وبنك السودان للتحقيق بسبب أزمة شح الوقود.
📌 أها ديل قحاته كيزان والا حكومة عميقة ؟
ه
📰 أخبار اليوم:
👈 افورقي يلتقي البرهان وحمدوك بالخرطوم.
📌 غايتو حمدوك مابيتغشى لك لكن الباقي مابعرفو
ه
📰 السودانيٰ:
👈 النائب العام يبحث مع مدير شرطة الخرطوم الموقف الأمني والجنائي بالولاية.
📌 يبحث شنو الزول دا البارح ما قالوا استقال
ه
📰 السودانيٰ:
👈 وزير الثقافة والإعلام يلتقي وزير الإعلام السعودي بمكة المكرمة.
📌 تلاته في واحد اجتماع وعمرة رمضان والتسووق للعيد
ه
📰 السودانيٰ:
👈 قطاع الطيران يعتزم الدخول في إضراب.
📌 كدي خلوا قطاعكم يشيل حيلو بعدين اضربوا
ه
📰 السودانيٰ:
👈 مُصافحة بين (تِرِك ودقلل) في منزل السفير السعودي.
📌 شي لله يا كفيل …. مدد
ه
📰 السودانيٰ:
👈 البرهان يمنح السناتور الأمريكي كريستوفر كونز وسام الجمهورية.
📌 الجمهورية ياتها الانتقالية والا بتاعة الإنقاذ
ه
📰 السودانيٰ:
👈 حاكم عام دارفور يضع إكليلاً من الزهور على قبر الرئيس ديبي.
📌 رحمة الله عليه الراجل كان نسيبنا بأكثر من زاوية
ه
📰 السودانيٰ:
👈 والي وسط دارفور: تعيين أركو مناوي حاكماً لدارفور قرار مستعجل
📌 يازول هوي ، بي تتفنش
ه
ه
📌ابووضاح 📌
https://www.facebook.com/dababies