📌 دبابيس من صحف الاربعاء 07 ابريل 2021م
ه
ه
⚠ تغريدة:
👈 حمدوك في ذكرى أبريل : انقضى الأصعب ونسير في المسار الصحيح…..
📌 غردها لحضراتكم حمدوك موسى…..
ه
ه
⚠ سؤال:
👈 بلاش الإسلام والدِين وبلاش الحرام والحلال وبلاش الضمير ، شركات الاتصالات دي ما سمعت بي حاجة اسمها الذوق؟ ماسمعت بالأدب؟ ياخي ماسمعت بان استغلال ظروف الناس عيب؟ مابتستحي من الاصطياد في الماء العكر؟…. يخسي عليكم (على قول سعاد الفاتح)…..
ه
ه
⚠ وزير الاستخبارات الإسرائيلي ينشر صورة تجمعه مع البرهان:
👈 الخرطوم :النورس نيوز…. قال وزير الاستخبارات الإسرائيلي إيلي كوهين؛ إن قرار مجلس الوزراء السوداني؛ الخاص بإلغاء قانون مقاطعة إسرائيل؛ خطوة مهمة وضرورية نحو توقيع اتفاقية سلام بين إسرائيل و السودان…..
ونشر كوهين صورة تجمعه مع رئيس مجلس السيادة الفريق أول ركن عبدالفتاح البرهان؛ خلال زيارة الأول إلى الخرطوم شهر يناير الماضي؛ وقال شمعون اير المحلل السياسي الإسرائيلي ومراسل الإذاعة الإسرائيلية؛ إن كوهين حُظر في السابق من نشر صورته مع البرهان؛ وأضاف “اليوم مع إلغاء قانون مقاطعة إسرائيل في السودان سُمح بنشرها”…….
📌 يازول الحمدلله مابقت صورة مع استيفي لفني كنا اتفضحنا واتقطع لساننا…..
ه
ه
⚠ بنك السودان يلزم المصارف بتطبيق النظام العالمي:
👈 الخرطوم : النورس نيوز….اصدر بنك السودان المركزي منشوراَ؛ ألزم فيه المصارف بتطبيق النظام المصرفي العالمي في اطار الالتزام بالمعايير العالمية وتسهيلا للمعاملات المصرفية بعد ان تحصل السودان على القرار المرتقب لادخال بنوك السودان في النظام المالي العالمي (IBAN).
ووجه بنك السودان المركزي في منشوره الصادرات اليوم جميع المصارف السودانية الالتزام بعدد من الموجهات عند تطبيق النظام والتى تتمثل في اعادة تنظيم حسابات عملائها الداخلية بطول موحد (12 ) حقلا لأي حساب ، وعمل (IBAN) لكل الحسابات في انظمة خارج الانظمة المصرفية في مدة اقصاها 6 اشهر من صدور الحالي بجانب الاعلان بكل الطرق الاعلانية لتوجيه العملاء للتقدم باستلام ارقامهم الجديدة وتسليم العملاء رقم الحساب المصرفي الدولي .
وطالب المنشور على اعتماد (IBAN) في المستندات والأنظمة والمعاملات الداخلية بنهاية عام 2022 والانتهاء من استبدال الشيكات برقم (IBAN) بنهاية 2022………
📌 في آخر المراح تجي الفترانة
ه
ه
📰 الوطن:
👈 إرتفاع ضحايا في أحداث الجنينة إلى أكثر من “180” قتيل وجريح
📌 المحيرني ناس الحركات المسلحة مافيهم زول مشى يشوف الحاصل شنو؟
ه
📰 الوطن:
👈 مجلس الوزراء يلغي قانون مقاطعة إسرائيل وتل أبيب ترحب
📌 باقي لنا نصدر بيان نعتذر عن اللاءات الثلاثة ونعوض اليهود الغادروا السودان ؟
ه
📰 الوطن:
👈 فشل مفاوضات سد النهضة بكينشاسا والحكومة تحذر إثيوبيا
📌 أفهموها…. مافي حاجة (كنغولية) بي تظبط مع السودان اسألوا ناس (الانتباهة)…
ه
📰 الوطن:
👈 مبعوث بريطانيا لمنع المجاعة يزور البلاد
📌 والله يا خواجة وماك طالبنا حليفة من مشيتوا انتو نحن لي هسع لا شبعنا اكل لا نمنا مطمئنين
ه
📰 التيار:
👈 إرتفاع حصيلة قتلى أحداث الجنينة و إحراق معسكر للنازحين
📌 وين أصحاب الحركات الموقعة على السلام من الاحداث دي ؟
ه
📰 التيار:
👈 كالعادة .. ذكرى أبريل تشل العاصمة وتعطل المصالح
📌 أهو دا الاستفدناهو منها
ه
📰 التيار:
👈 إثيوبيا تقود مفاوضات الفرصة الأخيرة لطريق مسدود
📌 والله كل حد وعلامه على قول الصعايدة
ه
📰 المواكب:
👈 الشرطة تستخدم البمبان وإغماءات وسط المتظاهرين في مواكب 6 إبريل
📌 ثم ماذا بعد؟
ه
📰 المواكب:
👈 الحكومة تطلب من الأمم المتحدة تغيير الجنود الإثيوبيين في منطقة أبيي
📌 يعني الحكومة غنت لهم: انت رجع لي رسايلي والرسايل العند يشيلها شيلها شيلها
ه
📰 الصيحة:
👈 البرهان لضباط الجيش:قيادة الدولة حريصة علي السلام
📌 اول مرة اشوف دولة حريصة على السلام وغير حريصة على الأمن
ه
📰 الصيحة:
👈 شكري: مصر ستتحرك إذا لحق بها ضرر مائي بسبب سد النهضة
📌 مصر اتحركت ولبستنا العمة تاني تتحرك تعمل شنو؟
ه
📰 الصيحة:
👈 مواطنون يضرمون النيران في مكتب للكهرباء بالخرطوم
📌 والله المثل يقول النيء للنار
ه
📰 الصيحة:
👈 الصيحة تتحصل علي تفاصيل عمل مستشاري حمدوك
📌 يعني عندهم عمل غير مستشارين ونحن ما عارفين والا شنو؟
ه
📰 الحراك السياسي:
👈 النائب العام للحراك:اوفدنا 15 وكيل نيابة للتحقيق في أحداث الجنينة
📌 تعبت والله ، خلاص أمشي ارقد
ه
📰 الحراك السياسي:
👈 حادث مروري كل 3 أيام أحد طرفيه شريحة وسائقون يتهمون الطرق
📌 أصلا معظم السيارات المستخدمة للسفر الى الولايات هي سيارات مدينة (City car) وليست للسفريات الطويلة
ه
📰 الحراك السياسي:
👈 لجنة جمع السلاح للحراك:إغلاق 64 معبرا حدوديا مع دول الجوار
📌 64 معبر ليه ؟ بلد هي والا مزرعة أرانب ؟
ه
📰 الحراك السياسي:
👈 حجر المتهمين في قضية مدبري انقلاب 89 وتحديد جلسة في 20 أبريل
📌 مرطبييييين ديل ولا هاميهم الحاصل برا ، واولادهم مستمتعين بحصاد ال 30 سنة ، اللهم لا حسد
ه
📰 الحداثة:
👈 تورط الفريق طه في فساد حساب آلية بنك السودان
📌 قال له صلاتك ناقصة ركعة قال له ما مشكلة أصلا أنا ما متوضئ
ه
📰 النيل الدولية:
👈 جنوب كردفان تكمل ترتيباتها لاستقبال حمدوك
📌 بختهم ديل سيعبرون
ه
📰 أخبار اليوم:
👈 التطعيم بلقاح كورونا يتخطى حاجز الـ(63) ألف وترتيبات لإدخال 8 ولايات جديدة الاحد القادم.
📌 63 الف في أسبوعين ما بطال يعني على سنة 2042 بنكون طعمنا كل الشعب ان شاءالله
ه
📰 السوداني:
👈 وزير الخارجية المصري يصل الخرطوم عقب انهيار مفاوضات سد النهضة
📌 كترة الطلة تمسخ خلق الله
ه
📰 السوداني:
👈 استمرار حرق معسكرات النازحني ووزير الداخلية إلي الجنينة
📌 هو وزير الداخلية اسمو منو؟
ه
📰 السوداني:
👈 دفاع البشير لـ (السوداني) : المحكمة ترفض (99 ) %من طلباتنا
📌 انتو زعلانين ليه ، ما ال99 الا تيمناً بأسماء الله الحسني وسيرا على نهج هي لله هي لله فعليكم بالاستغفار واحتسبوا
ه
📰 السوداني:
👈 وقف على الأوضاع بالفشقة الصغرى.. ديوان الزكاة يدعم القوات المسلحة ماليا
📌 هذا من باب وفي سبيل الله
ه
📰 السوداني:
👈 إبراهيم الشيخ : الكهرباء أقعدت قطاع الصناعة
📌 حبيبي يا إبراهيم السيخ اقصد إبراهيم الشيخ
ه
ه
📌ابووضاح 📌
https://www.facebook.com/dababies
