📌 دبابيس من صحف الاثنين 01 مارس 2021م

ه
ه
⚠ حكمة اليوم:
👈 بعد اعترافات كوشيب التي أدلى بها في لاهاي نرى أن حكمة اليوم هي :
لا تشتغل مع كوشيب ولا تخلي كوشيب يشتغل معاك…..
ه
ه
⚠ سؤال:
👈 هشام يونس قفيشة ..صالح عمر منفوش .. يسن بن محفوظ … محمد هاني فؤاد .. محمد الشامة .. محمد الفرا … سعيد حلواني.. فاطمة حلاج .. احمد حيدر .. خلود علية . ابو هندة . باسل … مجاهد روبين .. معتصم روبين .. مؤمن روبين …أرسين لوبين ….أجاثا كريستي….
📌 من أنتم؟
ه
ه
⚠ * نافع الى كوبر*:
👈 الخرطوم : النورس نيوز….. كشفت مصادر للنورس نيوز ان ضغوطات تعرض لها مدير عام السجون و مدير السجن المركزي بكوبر لإرجاع القيادي بالمؤتمر الوطني الدكتور نافع علي نافع الي معتقله بكوبر فورا، و ذلك بالرغم من تأكيد إصابته بالكورونا و عدم اكتمال فترة الحجز و العلاج.
وخضع نافع للعزل و بدأ العلاجات بالمستشفى في يوم الاثنين الماضي و ما زالت جرعات العلاج مستمرة، مما يؤثر سلباً على الحالة بصورة مباشرة لحاجة المصاب للرعاية الصحية و المراقبة بصورة دقيقة.
وبحسب متابعات (النورس نيوز) فقد حذر الأطباء من خطورة هذه الخطوة حيث يعتبر المصاب حاملاً للفايروس و ناشراً للعدوى لفترة ثلاثة أسابيع، مما يجعل خطر إصابة بقية المعتقلين بكوبر حتمياً……
📌 طبعا شيخ نافع وبقية الشيوخ في كوبر ناس مؤمنين ونحسبهم من أولياء الصالحصن الصالحين لا خوف عليهم لا من الكورونا ولا من غيرها ، ناس خدموا الدين تلاتين سنة وشعارهم لا لدنيا قد عملنا نحن للدين فداء عاوزين تخوفوهم بالكرونا؟ الكورونا لو عاوزة تأثر فيهم الا تلحس كوعها….
ه
ه
⚠ *قصة حصلت لي حكاها لي واحد*:
👈 حكى لي أحد الاخوة في الأرياف بأن الجاز معدوم عندهم وفي منطقة قريبه منهم في تاجر سوق أسود يبيع الجاز بالبرميل ، فقال نروح نشتري منه برميلين او تلاتة وهم راجعين تمسكهم الشرطة ويخيروهم بين أن يجرجروهم على القسم والمحاكم والا يصادروا منهم الجاز ، فيختاروا المصادرة…..
بعد يوم يومين يرجعوا يشتروا تاني وترجع الشرطة تصادر منهم الجاز….
في النهاية اكتشفوا انه التاجر بعد يبيع لهم بي يتصل على الشرطة يعطيهم مواصفات البوكسي والشرطة تصادر الجاز وترجع الجاز للتاجر الذي يقوم بدوره ببيعه لهم مرة تانية وتتكرر الحكاية…..
📌 أنا شخصياً أيقنت أن ابليس ممكن جداً يكون غادر البلد من زمن ، لأنه ابليس متكبر ، فصعب عليه يعيش مع ناس قدراتهم الاجرامية أعلى من قدراته…..
ه
ه
📰 الوطن:
👈 الجيش:الوجود العسكري بالخرطوم غير مقلق وسندمج القوات
📌 نحن ذاتنا جلدنا بقى تخين مافي حاجة بي تقلقنا
ه
📰 الوطن:
👈 إزالة التمكين تسترد أراضي جامعة مأمون حميدة وعدد من الشركات
📌 يعني الواحد لو قابل مامون حميده وسلم عليه وقال له وين أراضيك ممكن يزعل يفتكرها تريقة
ه
📰 الوطن:
👈 لجنة التفكيك تنهي خدمات عاملين ببنك السودان وشركات حكومية
📌 ما جابوا سيرة بنك الشمال؟
ه
📰 الوطن:
👈 النفط :إنفراج أزمة الغاز خلال أيام
📌 هي الأيام دي ما عندها نهاية لينا شهرين نسمع خلال أيام خلال أيام
ه
📰 الوطن:
👈 إعفاء مدراء إدارات وعاملين بوزارة الإستثمار
📌 شكر الله سعيكم
ه
📰 المواكب:
👈 أحباط مخطط تفجيرات في البلاد
📌 لعنة الله على من خطط
ه
📰 المواكب:
👈 الكشف عن فساد واختلاسات في منظمة (الدعوة الاسلامية)
📌 احتمال يكون فساد شرعي كدي اتأكدوا
ه
📰 المواكب:
👈 مصادر : ترتيبات محكمة لعودة حصائل الصادر للبنك المركزي
📌 بالتوفيق
ه
📰 المواكب:
👈 وراق : لا مرحبا باستثمار لا يعود بالنفع علي مواطن النيل الابيض
📌 ولا مرحبا بمستثمرين غير معروف لهم أصل من فصل
ه
📰 المواكب:
👈 محمد الفكي : قادة النظام البائد ظلوا ينهبون حتي أدركهم الصباح والشعب بثورته
📌 يازول ديل قايلين روحهم ورثوا الأرض ومن عليها
ه
📰 المواكب:
👈 فيصل محمد صالح ناطقا رسميا باسم مجلس الوزراء
📌 تاااااني ؟
ه
📰 المواكب:
👈 ( مصدرو الذهب) : شراء البنك المركزي للذهب سيسقط سياسية التحرير
📌 ان شاءالله يغطس حجرها
ه
📰 الانتباهة:
👈 أعضاء السيادي الجدد يرفضون( 100) ” اكسنت” ويطلبون ” لاندكروزرات”
📌 نوع من اقتسام الثروة ، خاصة للذين هبطوا من السماء
ه
📰 الانتباهة:
👈 طه عثمان : لا توجد جهة تسطيع حل اللجنة
📌 بالعربي كدا العاوز يحل اللجنة يلحس كوعه
ه
📰 الانتباهة:
👈 إيقاف العمل بالتسويات في نهر النيل
📌 أمونة يا كايداهم
ه
📰 الانتباهة:
👈 ارتفاع حصص الدقيق بمخابز العاصمة الي( 30) الف جوال يوميا
📌 قولوا اللهم اجعل من بين أيدي الحرامية سدا ومن خلفهم سدا
ه
📰 الانتباهة:
👈 مجلس السيادة: محاكمة المخلوع والمطلوبين ب ( الجنائية)
📌 حا يوحشونا والله
ه
📰 الانتباهة:
👈 تعيين ( 5) ولاة و “الامة القومي ” يرفض تقسيم مقاعد بالمجالس التشريعية
📌 الأمة ينسحب من الحكومة طوالي ويجمد مشاركته ، هم ذاتهم طولوا من التجميد
ه
📰 الانتباهة:
👈 إلزام الاجانب بفحص كورونا بمعمل( استاك) برسوم ( 100) دولار
📌 نقاطة ما بطالة
ه
📰 الحراك السياسي:
👈 اتهام الدعم السريع بسرقة مقتنيات في أحداث( 3) يونيو
📌 فشرررر الدعم السريع لا يسرق الدعم السريع يقلع
ه
📰 الحراك السياسي:
👈 أعفاء المغتربين من جمارك السيارات
📌 متشكرين اشترينا من سوق الله أكبر
ه
📰 الحراك السياسي:
👈 أحالة المتهمين بتخريب فعالية لمناصري والية نهر النيل للمحكمة
📌 أمونة وراكم وراكم
ه
📰 الحراك السياسي:
👈 البرير ل ( الحراك ) : التغيير تغطي بشيطنة حزب الامة
📌 يعني ما تغطى بشملة بت كنيش ؟
ه
📰 الحداثة:
👈 (70) مليون يورو دعما أضافيا للاسر السودانية من الاتحاد الأوروبي
📌 يورينا ليها اللا نام لا أكل الطعام
ه
📰 الحداثة:
👈 (حمدوك ) يخاطب نفيرا لمشروع الجزيرة بقاعة الصداقة السبت
📌 قاعة الصداقة قاعة أي علاقة تانية بس ابعد من الكلاكلة
ه
📰 الحداثة:
👈 منح دولية لمعهد الأمراض المتوطنة بجامعة الخرطوم لإجراء تجارب لأدوية ( كورونا)
📌 ما عندهم دواء للفلس؟
ه
📰 الحداثة:
👈 مفوضية حقوق الإنسان بالسودان تعلن قرب تفعيل قانونها
📌 لقيتوا الانسان؟
ه
📰 الحداثة:
👈 لجنة أطباء المختبر تنهي اليوم أضرابا ب ( 28) معملا في ولاية الخرطوم وتهدد بالتصعيد
📌 ماحدش أحسن من حد
ه
📰 الصيحة:
👈 لجنة العربات: لا تمديد لسيارات (بوكو حرم ) بعد اليوم
📌 نقطة سطر جديد
ه
📰 الصيحة:
👈 ترتيبات لتنسيق موقف التفاوض بين الحلو وعبدالواحد
📌 لعناية الشيخ عبدالحي
ه
📰 الصيحة:
👈 وزير الصحة : ترتيبات لتوفير الدواء ل ( 6) أشهر
📌 بعد ال (6) أشهر الزارعها ربك فوق حجر بي تقوم
ه
📰 النيل الدولية:
👈 وجدي: النظام البائد استخدم السودان معبرا لغسيل الاموال وتمويل الارهاب
📌 ياخي ديل شيوخ ومولانات ، الغسيل دا عشان النظافة من الايمان والإرهاب جهاد في سبيل الله
ه
📰 النيل الدولية:
👈 الجنيه يتماسك بعد أسبوع من تعويم سعر الصرف
📌 الجنيه دا أجدعوا له خشبه يمسك فيها عشان ما يفتر
ه
📰 النيل الدولية:
👈 حمدوك: العلاقات مع جنوب السودان في أفضل حالاتها
📌 عقبال مع اثيوبيا
ه
📰 أخبار اليوم:
👈 مجلس الامن والدفاع يتخذ عددا من القرارات لتعزيز الأمن والاستقرار.
📌 ناس المجلس ديل عندهم خبر اعترافات كوشيب؟
ه
📰 السوداني:
👈 الحكومة تعلن اليوم حوافز لاستقطاب (6 )مليارات دولار من المغتربين
📌 الأغنية دي من التراث لكن نشوف التوزيع الموسيقي الجديد كيف
ه
📰 السوداني:
👈 مدمرة روسية ترسو بميناء بورتسودان وسفينة حربية أمريكية تصل اليوم
📌 حديد لاقى حديد
ه
📰 السوداني:
👈 ضبط شبكة أجنبية تتاجر في العملة بعد تحرير سعر الصرف
📌 أردموهم
ه
📰 السوداني:
👈 أسرة نافع علي نافع تحمل الحكومة مسؤولية سلامته الصحية
📌 الحكومة بي تتحملها لكن خلوا نافع يتحمل مسؤولية عمايله
ه
📰 السوداني:
👈 قيادي بـ (الشعبي) يرد على الأمين العام بعد قوله (للدين رب يحميه)
📌 اوع يكون قال ليس للدين رب يحميه ؟ غايتو لو القيادي دا عمار السجاد بي يقول
ه
📰 السوداني:
👈 المحكمة تستجوب ابنة نائب الرئيس السابق اليوم
📌 نائب رئيس شنو ووهم شنو اذكروا اسم المجرم مجرد من القاب
ه
📰 السوداني:
👈 (الصحة) : اكتمال مركز زراعة الكبد بالبلاد في يونيو المقبل
📌 ماشاءالله تبارك الله
ه
ه
📌ابووضاح 📌
https://www.facebook.com/dababies